Latest News-KH – Page 2 – ACCESS 2 Cambodia

10សីហា-26

អូស្ត្រាលីពង្រីកការគាំទ្រសេវាស្តារលទ្ធភាពពលកម្ម តាមរយៈការផ្តល់បរិក្ខារព្យាបាលដោយចលនា

រាជរដ្ឋាភិបាលអូស្ត្រាលី តាមរយៈកម្មវិធី ACCESS 2 កំពុងពង្រីកការគាំទ្ររបស់ខ្លួនដល់សេវាស្តារលទ្ធភាពពលកម្មនៅកម្ពុជា តាមរយៈការពង្រឹងផ្នែកស្តារលទ្ធភាពពលកម្មដែលមានមូលដ្ឋាននៅក្នុងមន្ទីរពេទ្យ (Hospital-Based Rehabilitation Units - HBRUs) រួមមាន សេវាសេវាអវយវៈសិប្បនិម្មិត និងរណប (Prosthetics and Orthotics - PO) សេវាព្យាបាលការប្រាស្រ័យទាក់ទង និងភាសា (Speech Therapy) និងសេវាព្យាបាលដោយចលនា (Physiotherapy) នៅតាមមន្ទីរពេទ្យបង្អែកខេត្ត។ ថ្មីៗនេះ រាជរដ្ឋាភិបាលអូស្ត្រាលីបានប្រគល់បរិក្ខារព្យាបាលដោយចលនាបន្ថែមដល់មន្ទីរពេទ្យបង្អែកខេត្តសៀមរាប។ ការប្រគល់នេះធ្វើឡើងបន្ទាប់ពីការប្រគល់លើកដំបូងកាលពីខែមករា ឆ្នាំ២០២៦ ដើម្បីឆ្លើយតបទៅនឹងតម្រូវការសេវាស្តារលទ្ធភាពពលកម្មដែលកំពុងកើនឡើង។ ចាប់ពីខែមករា ដល់ខែមិថុនា ឆ្នាំ២០២៦ អតិថិជនសរុបចំនួន២,៨៧១នាក់ បានទទួលសេវាព្យាបាលដោយចលនានៅមន្ទីរពេទ្យបង្អែកខេត្តសៀមរាប ដែលកើនឡើង៤០ភាគរយ បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២៥។ ជាមួយគ្នានេះដែរ រាជរដ្ឋាភិបាលអូស្ត្រាលីបានប្រគល់បរិក្ខារព្យាបាលដោយចលនាដល់មន្ទីរពេទ្យបង្អែកខេត្តក្រចេះក្នុងខែកក្កដា ឆ្នាំ២០២៦ ដើម្បីពង្រឹងសេវាស្តារលទ្ធភាពពលកម្មបន្ថែមទៀត និងលើកកម្ពស់លទ្ធភាពទទួលបានសេវាថែទាំប្រកបដោយគុណភាពសម្រាប់ប្រជាពលរដ្ឋនៅក្នុងខេត្ត និងតំបន់ជុំវិញ។ យើងនឹងបន្តពង្រីកការគាំទ្រទៅកាន់មន្ទីរពេទ្យបង្អែកខេត្តកំពង់ស្ពឺ នៅក្នុងខែកញ្ញា ឆ្នាំ២០២៦។ តាមរយៈកម្មវិធី ACCESS 2 និងដៃគូអនុវត្តជាយុទ្ធសាស្រ្តរបស់ខ្លួន រួមមាន Exceed Worldwide OIC Cambodia HI និងមន្ទីរពេទ្យបង្អែកខេត្តនានា រាជរដ្ឋាភិបាលអូស្ត្រាលីបានគាំទ្រការបង្កើតផ្នែកស្តារលទ្ធភាពពលកម្មដែលមានមូលដ្ឋាននៅក្នុងមន្ទីរពេទ្យ ដែលផ្តល់សេវាអវយវសិប្បនិម្មិត និងរណបនៅឆ្នាំ២០២៤ ព្រមទាំងសេវាព្យាបាលការប្រាស្រ័យទាក់ទង និងភាសា នៅដើមឆ្នាំ២០២៦ នៅមន្ទីរពេទ្យបង្អែកខេត្តក្រចេះ។ បន្ថែមពីនេះ ផ្នែកព្យាបាលដោយចលនាមួយត្រូវបានបង្កើតឡើងនៅមន្ទីរពេទ្យបង្អែកខេត្តកំពង់ចាម នៅពាក់កណ្តាលឆ្នាំ២០២៥។ គំនិតផ្តួចផ្តើមទាំងនេះគឺជាសមិទ្ធផលដ៏សំខាន់ក្នុងការពង្រឹងសេវាស្តារលទ្ធភាពពលកម្មដ៏ទូលំទូលាយ សម្រាប់ប្រជាពលរដ្ឋនៅខេត្តសៀមរាប ខេត្តកំពង់ចាម ខេត្តក្រចេះ និងបណ្តាខេត្តជុំវិញ។ ការប្រគល់បរិក្ខារព្យាបាលដោយចលនានេះនឹងជួយពង្រឹងសេវាស្តារលទ្ធភាពពលកម្ម និងបង្កើនលទ្ធភាពទទួលបានសេវាថែទាំប្រកបដោយគុណភាពសម្រាប់ប្រជាពលរដ្ឋដែលកំពុងស្តារសុខភាពពីការរងរបួស ជំងឺគ្រោះថ្នាក់សរសៃឈាមខួរក្បាល ជំងឺមិនឆ្លងរ៉ាំរ៉ៃ និងបញ្ហាសុខភាពដែលទាក់ទងនឹងវ័យចាស់។ បរិក្ខារទាំងនេះក៏នឹងជួយពង្រឹងសមត្ថភាពបុគ្គលិកសុខាភិបាល និងធានាថា សេវាស្តារលទ្ធភាពពលកម្មអាចផ្តល់ជូនដល់អ្នកដែលត្រូវការសេវាទាំងនេះបំផុត ប្រកបដោយប្រសិទ្ធភាព និងទាន់ពេលវេលា។ គំនិតផ្តួចផ្តើមនេះគឺជាផ្នែកមួយនៃការប្តេជ្ញាចិត្តរបស់រាជរដ្ឋាភិបាលអូស្ត្រាលីក្នុងការគាំទ្រប្រទេសកម្ពុជា ក្នុងការកសាងប្រព័ន្ធស្តារនីតិសម្បទាដែលអាចទទួលបានដោយងាយស្រួល...

អានបន្ត

27កក្កដា-26

ពង្រឹងភាពជាអ្នកដឹកនាំនៅថ្នាក់មូលដ្ឋាន ដើម្បីជំរុញសកម្មភាពប្រកបដោយបរិយាបន្ននៅទូទាំងប្រទេសកម្ពុជា

អភិបាលកិច្ចមូលដ្ឋាន និងបរិយាបន្នសង្គម គឺដើរទន្ទឹមគ្នា។ បន្ទាប់ពីបានរៀបចំវគ្គបណ្តុះបណ្តាលគ្រូបង្គោល ស្តីពីការអភិវឌ្ឍជំនាញសមត្ថភាពដល់គណៈកម្មការសម្របសម្រួលថ្នាក់ខេត្ត (PCCs) នៃខេត្តគោលដៅរបស់កម្មវិធី ACCESS 2 (សៀមរាប កំពង់ស្ពឺ កំពង់ចាម និងរតនគិរី) នៅខេត្តកំពត កាលពីខែមីនា ឆ្នាំ២០២៦ សិក្ខាកាមភាគច្រើនបានក្លាយជាគ្រូបង្គោលប្រចាំខេត្តរបស់ខ្លួន។ គ្រូបង្គោលទាំងនេះកំពុងបន្តចែករំលែកចំណេះដឹង និងបណ្តុះបណ្តាលជំនាញជាក់ស្តែងលើភាពជាអ្នកដឹកនាំ ការសម្របសម្រួល ការចរចា និងការសហការដល់មន្ត្រីថ្នាក់ខេត្ត និងថ្នាក់ស្រុក ដើម្បីគាំទ្រដល់ការអភិវឌ្ឍសមត្ថភាពប្រកបដោយនិរន្តរភាព និងការអភិបាលកិច្ចមូលដ្ឋានប្រកបដោយបរិយាបន្ន។ ក្នុងរយៈពេលប៉ុន្មានខែកន្លងមកនេះ ដោយមានការគាំទ្រជាបន្តបន្ទាប់ពីរដ្ឋាភិបាលអូស្ត្រាលី កម្មវិធី ACCESS 2 បានគាំទ្រ PCCs ក្នុងការរៀបចំវគ្គបណ្តុះបណ្តាលស្តីពី ការអភិវឌ្ឍជំនាញសមត្ថភាព នៅខេត្តគោលដៅ។ អ្នកចូលរួមក្នុងវគ្គបណ្តុះបណ្តាលរួមមាន សិក្ខាកាមនៅថ្នាក់ខេត្ត និងថ្នាក់ស្រុក ថ្នាក់ដឹកនាំមកពីរដ្ឋបាលខេត្ត មន្ទីរជំនាញពាក់ព័ន្ធនៅថ្នាក់ខេត្ត រដ្ឋបាលស្រុក ការិយាល័យសង្គមកិច្ច និងសុខុមាលភាពសង្គមថ្នាក់ស្រុក ដើម្បីគាំទ្រដល់ឃុំ/សង្កាត់ ដៃគូអនុវត្តជាយុទ្ធសាស្ត្រ និងអង្គការតំណាងជនមានពិការភាព។ គោលបំណងយុទ្ធសាស្ត្រពីរ រួមចំណែកបង្កើតឱ្យមានផលជះយូរអង្វែង គំនិតផ្តួចផ្តើមនេះត្រូវបានរៀបចំឡើងដោយផ្តោតលើគោលបំណងស្នូលពីរដែលមានភាពជាប់ទាក់ទងគ្នាយ៉ាងជិតស្និទ្ធ៖ ១. ពង្រឹងជំនាញវិជ្ជាជីវៈជាក់ស្តែង អ្នកចូលរួមទទួលបានឧបករណ៍ និងចំណេះដឹងដែលអាចយកទៅអនុវត្តបានដោយផ្ទាល់ ដូចជា ការសរសេរឯកសារទស្សនទាន និងសំណើគម្រោង បច្ចេកទេសបញ្ចុះបញ្ចូល ការចរចា ការសម្របសម្រួល ការចងក្រងករណីសិក្សា យុទ្ធសាស្ត្រទំនាក់ទំនង និងការកៀគរធនធាន។ ២. បញ្ចូលគោលការណ៍ GEDSI ទៅក្នុងការអនុវត្ត គោលគំនិតស្តីពី សមភាពយេនឌ័រ ពិការភាព និងបរិយាបន្នសង្គម (GEDSI) ត្រូវបានបញ្ចូលទៅក្នុងគ្រប់មេរៀនបណ្តុះបណ្តាល ដើម្បីភ្ជាប់ចំណេះដឹងបច្ចេកទេសទៅនឹងការអនុវត្តគោលនយោបាយជាក់ស្តែង។ តាមរយៈការផ្តល់ជំនាញលើការចរចាបែបបញ្ចុះបញ្ចូល ការសរសេរសំណើគម្រោង និងការយល់ដឹងច្បាស់លាស់អំពី GEDSI វគ្គបណ្តុះបណ្តាលនេះបានផ្តល់អំណាចដល់ថ្នាក់ដឹកនាំថ្នាក់ក្រោមជាតិ ឱ្យអាចផ្តល់អាទិភាព និងបែងចែកថវិកាសម្រាប់សេវាសង្គមនៅថ្នាក់ក្រោមជាតិបន្ថែមទៀតទៅកាន់គំនិតផ្តួចផ្តើម GEDSI ប្រកបដោយនីរន្តរភាព។ វគ្គបណ្តុះបណ្តាលរយៈពេលពីរថ្ងៃនៅក្នុងខេត្តនីមួយៗ មានគោលបំណងពង្រឹងជំនាញរបស់អ្នកចូលរួមក្នុងការបញ្ចុះបញ្ចូល ការសម្របសម្រួល ការចរចា ការសរសេរសំណើ និងករណីសិក្សា ការកៀរគរធនធាន...

អានបន្ត

26មិថុនា-26

កិច្ចប្រឹងប្រែងសហការពង្រឹងផែនការឆ្នាំទីបួនសម្រាប់ការឆ្លើយតបទៅនឹងអំពើហិង្សាទាក់ទងនឹងយេនឌ័រ

កាលពីថ្ងៃទី២៣ ខែមិថុនា ឆ្នាំ២០២៦ ក្រុមការងារផ្នែកអំពើហិង្សាទាក់ទងនឹងយេនឌ័រ (GBV) ក្រោមកម្មវិធីសហប្រតិបត្តិការអូស្ត្រាលី-កម្ពុជាសម្រាប់ការផ្តល់សេវាប្រកបដោយនិរន្តរភាព និងសមធម៌ - ដំណាក់កាលទី២ (ACCESS 2) បានរៀបចំសិក្ខាសាលាសហប្រតិបត្តិការ ស្តីពីការរៀបចំផែនការសកម្មភាពរួម ដើម្បីបង្កើតផែនការការងារប្រចាំឆ្នាំ ២០២៦-២៧។ សិក្ខាសាលានេះបានអញ្ជើញតំណាងមកពីក្រសួងកិច្ចការនារី (MoWA) មន្ទីរកិច្ចការនារីខេត្ត (PDoWAs) ដៃគូអនុវត្តជាយុទ្ធសាស្ត្រ (SIPs) និង ACCESS 2 ដើម្បីពិនិត្យពីវឌ្ឍនភាព ចែករំលែកមេរៀនដែលបានរៀនសូត្រ និងបន្សីអាទិភាពសម្រាប់ឆ្នាំទីបួនខាងមុខរបស់កម្មវិធី។ កម្មវិធី ACCESS 2 ដែលមានការគាំទ្រពីរដ្ឋាភិបាលអូស្ត្រាលី បានធ្វើការយ៉ាងជិតស្និទ្ធជាមួយក្រសួងកិច្ចការនារី (MoWA) មន្ទីរកិច្ចការនារីខេត្ត និង SIPs ក្នុងរយៈពេលប៉ុន្មានឆ្នាំកន្លងមកនេះ ដើម្បីពង្រឹងសេវាទប់ស្កាត់ និងឆ្លើយតបទៅនឹងអំពើហិង្សាទាក់ទងនឹងយេនឌ័រ (GBV) នៅទូទាំងខេត្តគោលដៅចំនួនបួន។ សមិទ្ធផលសំខាន់ៗរួមមាន ការកសាងសមត្ថភាព ការគាំទ្រការគ្រប់គ្រងករណី ការផ្តល់សេវាផ្តោតលើជនរងគ្រោះជាអាទិភាព និងការសាកល្បងទម្រង់របាយការណ៍ស្តង់ដារអំពើហិង្សាទាក់ទងនឹងយេនឌ័រ។ ដោយផ្អែកលើតម្រូវការនេះ សិក្ខាសាលានេះមានគោលបំណងពង្រឹងការសម្របសម្រួលក្នុងចំណោមដៃគូ បង្កើតមធ្យោបាយអនុវត្តសកម្មភាពសម្រាប់ឆ្នាំទីបួន និងធានាថាគោលការណ៍សមភាពយេនឌ័រ បរិយាបន្នពិការភាព និងសង្គម (GEDSI) ត្រូវបានរួមបញ្ចូលយ៉ាងស៊ីជម្រៅទៅក្នុងការឆ្លើយតបទៅនឹងអំពើហិង្សាទាក់ទងនឹងយេនឌ័រ។ បន្ថែមពីលើការបង្កើតផែនការការងាររួមគ្នា និងការកំណត់វិធីធ្វើការ អ្នកចូលរួមបានទទួលការចែករំលែបទពិសោធពីតំណាងក្រុមអ្នកស្រឡាញ់ភេទដូចគ្នា (LGBTQI+)។ ដោយគាត់បានចែករំលែកទស្សនៈចម្រុះ និងបទពិសោធន៍រស់នៅរបស់ពួកគាត់ ព្រមទាំងមានការពិភាក្សាដ៏មានអត្ថន័យលើសារៈសំខាន់នៃភាពចម្រុះ បរិយាបន្ន និងការចូលរួមដោយគោរពទាំងនៅក្នុងកន្លែងធ្វើការ និងជីវិតប្រចាំថ្ងៃ។ នៅក្នុងសុន្ទរកថាបើកសិក្ខាសាលា លោកជំទាវ ហ៊ូ សាមិត្ត រដ្ឋលេខាធិការក្រសួងកិច្ចការនារី បានគូសបញ្ជាក់ពីសារៈសំខាន់នៃសិក្ខាសាលានេះ និងជំរុញផលជះរួម។ លោកជំទាវ បានមានប្រសាសន៍ថា៖ «សិក្ខាសាលានេះផ្តល់នូវវេទិការមួយសម្រាប់ការផ្លាស់ប្តូរបទពិសោធ ពិភាក្សាពីបញ្ហាប្រឈមនៃការអនុវត្តសកម្មភាព និងកំណត់ដំណោះស្រាយដើម្បីធានាបាននូវការអនុវត្តផែនការសកម្មភាពប្រកបដោយប្រសិទ្ធភាព»។ លោកស្រី ហ៊ែល សុធារតន៍ ប្រធានគ្រប់គ្រងផ្នែកកម្មវិធីសហប្រតិបត្តិការអភិវឌ្ឍន៍នៃស្ថានទូតអូស្ត្រាលីប្រចាំកម្ពុជា បានកោតសរសើរចំពោះភាពជាដៃគូដ៏រឹងមាំពីសំណាក់សមភាគីរដ្ឋាភិបាល និងដៃគូអនុវត្ត។ លោកស្រីបានកត់សម្គាល់ថា៖ «នេះជាឱកាសមួយមិនត្រឹមតែដើម្បីរៀបចំផែនការជាមុនប៉ុណ្ណោះទេ ប៉ុន្តែថែមទាំងឆ្លុះបញ្ចាំងដោយស្មោះ...

អានបន្ត

26មិថុនា-26

ACCESS 2 អបអរសាទរខែមោទកភាពឆ្នាំ២០២៦៖ អត្តសញ្ញាណយេនឌ័រ និងភាពចម្រុះ

នៅខែមិថុនានេះ កម្មវិធីសហប្រតិបត្តិការអូស្ត្រាលី-កម្ពុជាដើម្បីការផ្តល់សេវាប្រកបដោយនិរន្តរភាព និងសមធម៌ – ដំណាក់កាលទី២ (ACCESS 2) មានមោទនភាពដែលបានប្រារព្ធខែមោទកភាពឆ្នាំ២០២៦ ដើម្បីបញ្ជាក់ពីសារៈសំខាន់នៃបរិយាបន្ន និងការស្វែងរកការគាំទ្រមតិសម្រាប់សមាជិកដែលងាយរងគ្រោះនៃសហគមន៍អ្នកស្រឡាញ់ភេទដូចគ្នា (LGBTQI+) និងលើកទឹកចិត្តដល់សកម្មភាពរួមឆ្ពោះទៅរកសង្គមមួយដែលកាន់តែមានសមធម៌ និងបរិយាបន្ន។ ការប្រារព្ធខែមោទនភាពបានក្លាយជាសកម្មភាពប្រចាំឆ្នាំមួយសម្រាប់ក្រុមការងារ ACCESS 2 ដែលឆ្លុះបញ្ចាំងពីការប្តេជ្ញាចិត្តជាបន្តបន្ទាប់របស់យើងចំពោះភាពចម្រុះ សមភាព និងបរិយាបន្ន។ កាលពីថ្ងៃទី១៥ ខែមិថុនា ឆ្នាំ២០២៦ ក្រុមការងារកម្មវិធី ACCESS 2 បានជួបជុំគ្នាដើម្បីប្រារព្ធខែមោទកភាពតាមរយៈវគ្គចែករំលែក និងការឆ្លុះបញ្ចាំងដែលផ្តោតលើ «អត្តសញ្ញាណយេនឌ័រ និងភាពចម្រុះ»។ ព្រឹត្តិការណ៍នេះមានគោលបំណងលើកកម្ពស់ភាពប្រសព្វគ្នា ការទទួលបានសេវាចាំបាច់នានាដោយស្មើភាពគ្នា ការទប់ស្កាត់អំពើហិង្សាទាក់ទងនឹងយេនឌ័រ (GBV) និងសាមគ្គីភាព ព្រមទាំងភាពជាកម្មសិទ្ធិរបស់ទាំងអស់គ្នា។ ជាផ្នែកមួយនៃការប្រារព្ធពិធីនេះ ACCESS 2 បានអញ្ជើញ សេង សុជាតិ សហប្រធាន និងជាអ្នកសម្របសម្រួលនៃ #LovesisDiversity មកសម្របសម្រួល និងចែករំលែកនូវចំណេះដឹងស្តីពី និន្នាការភេទ និងអត្តសញ្ញាណយេនឌ័រ ទំនោរផ្លូវភេទ និងលក្ខណៈភេទ (SOGIESC) ព្រមទាំងវាក្សស័ព្ទនៃប្រើប្រាស់ពាក្យសម្រាប់អ្នកស្រឡាញ់ភេទដូចគ្នា។ អ្នកចូលរួមទទួលបានការយល់ដឹងដ៏មានតម្លៃលើគោលគំនិតសំខាន់ៗ រួមទាំងភេទ យេនឌ័រ បទដ្ឋានយេនឌ័រ SOGIESC និងអត្តសញ្ញាណ និងសព្វនាមចម្រុះដែលប្រើក្នុងសហគមន៍ LGBTQI+។ វគ្គនេះក៏បានជួយពង្រឹងការយល់ដឹងបន្ថែមដល់អ្នកចូលរួមអំពីភាពចម្រុះ និងបរិយាបន្ន ព្រមទាំងលើកទឹកចិត្តដល់ការចូលរួមដោយគោរពជាមួយមនុស្សគ្រប់អត្តសញ្ញាណយេនឌ័រ និងទំនោរផ្លូវភេទ។ ក្រុមការងារ ACCESS 2 បានបន្ស៊ីខែមោទកភាពជាមួយនឹងការប្តេជ្ញាចិត្តរបស់ខ្លួនចំពោះសេវា ប្រកបដោយបរិយាបន្ន ដែលរំលេចជាសារសំខាន់គឺ សុវត្ថិភាព សេចក្តីថ្លៃថ្នូរ មោទកភាព ដោយធានាថាគ្មាននរណាម្នាក់ត្រូវបានទុកចោលឡើយ។ ដោយមានការគាំទ្រពីរដ្ឋាភិបាលអូស្ត្រាលី កម្មវិធីនេះ លើកកម្ពស់ដល់ការទទួលបានសេវាសំខាន់ៗប្រកបដោយសមធម៌សម្រាប់ជនមានពិការភាព ជនរងគ្រោះដោយអំពើហិង្សាទាក់ទងនឹងយេនឌ័រ សហគមន៍ជនជាតិដើមភាគតិច និង LGBTQI+។ ការប្រារព្ធពិធីនេះក៏រួមចំណែកដល់ការពង្រឹងការប្តេជ្ញាចិត្តរបស់ ACCESS...

អានបន្ត

15មិថុនា-26

ពិធីនៃការបិទបញ្ចប់ការរួមចំណែកគាំទ្រដល់ ICRC និងមជ្ឈមណ្ឌលស្តារលទ្ធភាពពលកម្មកាយសម្បទានៅខេត្តកំពង់ស្ពឺ និងបាត់ដំបង

ដោយមានការគាំទ្រពីរដ្ឋាភិបាលអូស្ត្រាលីតាមរយៈកម្មវិធីសហប្រតិបត្តិការអូស្ត្រាលី-កម្ពុជាដើម្បីការផ្តល់សេវាប្រកបដោយនិរន្តរភាព និងសមធម៌ - ដំណាក់កាលទី២ (ACCESS 2) គណៈកម្មាធិការអន្តរជាតិនៃកាកបាទក្រហម (ICRC) និងក្រសួងសង្គមកិច្ច អតីតយុទ្ធជន និងយុវនីតិសម្បទា សេវាស្តារលទ្ធភាពពលកម្មត្រូវបានផ្តល់ជូនដោយជោគជ័យនៅមជ្ឈមណ្ឌលស្តារលទ្ធភាពពលកម្មនៅខេត្តបាត់ដំបង និងខេត្តកំពង់ស្ពឺ (PRCs)។ បន្ថែមពីលើការកែលម្អការទទួលបានសេវាស្តារដែលមានគុណភាព កម្មវិធីនេះក៏បានរួមចំណែកដល់ការពង្រឹងការសម្របសម្រួល និងប្រព័ន្ធបញ្ជូនរវាង PRCs និងមូលដ្ឋានសុខាភិបាលផងដែរ។ នៅថ្ងៃទី៩ ខែមិថុនា ឆ្នាំ២០២៦ ក្រុមការងារ ACCESS 2 និងសមាជិកក្រុមការងារ ICRC ក៏ដូចក្រុមការងារមជ្ឈមណ្ឌលស្តារ និងតំណាងអង្គការជនមានពិការភាព (OPDs) បានចូលរួមកិច្ចប្រជុំមួយដើម្បីបិទបញ្ចប់ការចូលរួមចំណែកផ្នែកហិរញ្ញវត្ថុរបស់កម្មវិធី តាមរយៈ ICRC ដល់PRC នៅខេត្តបាត់ដំបង និងខេត្តកំពង់ស្ពឺ។ ក្រៅពីគាំទ្រដល់មជ្ឈមណ្ឌលស្តារចំនួនពីរនេះ ការផ្តល់ថវិកានេះក៏បានគាំទ្រសកម្មភាពផ្សព្វផ្សាយសំខាន់ៗនៅតាមសហគមន៍ផងដែរ រួមមានការតាមដាននៅសហគមន៍ ដូចជាការជួសជុលតិចតួចនូវឧបករណ៍អវយវៈសិប្បនិម្មិត ការកំណត់អតិថិជនថ្មី និងផ្សព្វផ្សាយការយល់ដឹងអំពីសេវា។ បរិយាបន្នសង្គមក៏ត្រូវបានគាំទ្រផងដែរ ដូចជា បាល់បោះរទេះរុញ ក៏ដូចជាការបញ្ជូនទៅរកសេវាសុខាភិបាល និងការបណ្តុះបណ្តាលវិជ្ជាជីវៈ។ លោក ពេជ្រ សារឿន តំណាងអង្គការជនពិការមួយនៅខេត្តបាត់ដំបង នៅក្នុងកិច្ចប្រជុំបានលើកឡើងពីតួនាទីសំខាន់របស់មជ្ឈមណ្ឌលស្តារក្នុងការគាំទ្រដល់ជនមានពិការភាព។ លោកបាននិយាយថា៖ «មជ្ឈមណ្ឌលស្តារ គឺដូចជាសសៃឈាមសម្រាប់ជនមានពិការភាព។ ប្រសិនបើគ្មានសេវាទាំងនេះទេ ពួកគេនឹងប្រឈមមុខនឹងការលំបាកក្នុងការវិលត្រឡប់ទៅរកជីវិតប្រចាំថ្ងៃរបស់ពួកគេវិញ»។ លោកស្រី Sophia Cason ប្រធានកម្មវិធី ACCESS 2 បានទទួលស្គាល់ថា ទោះបីជាការគាំទ្រដោយផ្ទាល់ទៅកាន់មជ្ឈមណ្ឌលស្តារទាំងនេះកំពុងបញ្ចប់ក៏ដោយ មិនមានន័យថាការប្តេជ្ញាចិត្តលើផ្នែកការស្តារលទ្ធភាពពកម្ម និងបរិយាបន្នពិការភាពនៅកម្ពុជានឹងបញ្ចប់ឡើយ។ កម្មវិធី ACCESS 2 នឹងបន្តការងាររបស់ខ្លួនរហូតដល់ឆ្នាំ២០២៨ ដើម្បីពង្រឹង និងពង្រីកសេវាស្តារនៅក្នុងប្រព័ន្ធសុខាភិបាល ស្របតាមគោលនយោបាយជាតិ និងកំណែទម្រង់ផ្សេងៗ ជាពិសេសផែនទីបង្ហាញផ្លូវស្តីពីការគ្របដណ្តប់សុខភាពជាសកល។ លោកស្រីបានសម្តែងការថ្លែងអំណរយ៉ាងជ្រាលជ្រៅដល់ ICRC ចំពោះភាពជាអ្នកដឹកនាំផ្នែកបច្ចេកទេសដ៏រឹងមាំ និងការគាំទ្របន្តទៅកាន់មជ្ឈមណ្ឌលស្តារទាំងនេះ ហើយក៏បានអរគុណទៅដល់មូលនិធិជនពិការ បុគ្គលិកមជ្ឈមណ្ឌលស្តារ និង OPDs សម្រាប់ការខិតខំប្រឹងប្រែង...

អានបន្ត

5មិថុនា-26

ដំណើរទស្សនកិច្ចរបស់គណៈកម្មការប្រឹក្សាភិបាលនៃកម្មវិធី ACCESS 2 គូសបញ្ជាក់ពីភាពជាអ្នកដឹកនាំនៅថ្នាក់ក្រោមជាតិ និងស្វែងយល់បញ្ហាប្រឈមរបស់សហគមន៍

ការផ្តល់សេវាប្រកបដោយប្រសិទ្ធភាពនៅថ្នាក់ក្រោមជាតិ មានសារៈសំខាន់ណាស់ក្នុងការធានាថា គោលនយោបាយ និងផែនការសកម្មភាពថ្នាក់ជាតិ ពិតជាអាចបម្រើដល់ជនរងគ្រោះដោយអំពើហិង្សាទាក់ទងនឹងយេនឌ័រ (GBV) និងជនមានពិការភាព។ ដើម្បីពិនិត្យមើលការផ្តល់សេវានេះតាមរយៈការសម្របសម្រួលនៅថ្នាក់ក្រោមជាតិ និងភាពជាម្ចាស់របស់មូលដ្ឋាន សមាជិកជាន់ខ្ពស់នៃគណៈកម្មការប្រឹក្សាភិបាលនៃកម្មវិធី ACCESS 2 (ASC) និងក្រសួងការបរទេស និងពាណិជ្ជកម្មអូស្ត្រាលី (DFAT) បានធ្វើទស្សនកិច្ចនៅខេត្តកំពង់ស្ពឺ កាលពីថ្ងៃទី២ ខែមិថុនា ឆ្នាំ ២០២៦។ ដំណើរទស្សនកិច្ចនេះ បានអនុញ្ញាតឱ្យថ្នាក់ដឹកនាំ បានឃើញដោយផ្ទាល់នូវសកម្មភាព និងសមិទ្ធផលពិតប្រាកដនៅទីតាំងគម្រោង ប៉ុន្តែអ្វីដែលសំខាន់ជាងនេះទៅទៀតនោះ គឺវាបានផ្តល់នូវវេទិកាដ៏សំខាន់មួយក្នុងការស្តាប់នូវបញ្ហាប្រឈមផ្ទាល់ខ្លួនដែលសហគមន៍ និងអ្នកផ្តល់សេវាដែលមាន ។ កិច្ចសន្ទនាដោយផ្ទាល់រវាងអ្នកធ្វើសេចក្តីសម្រេចចិត្តជាយុទ្ធសាស្ត្រ និងភាគីពាក់ព័ន្ធនៅថ្នាក់ក្រោមជាតិ បានផ្តល់នូវការយល់ដឹងដ៏មានតម្លៃមិនអាចកាត់ថ្លៃបាន អំពីតថភាពនៃការផ្តល់សេវាក្នុងមូលដ្ឋានសម្រាប់ជនរងគ្រោះដោយសារអំពើហិង្សាទាក់ទងនឹងយេនឌ័រ និងជនមានពិការភាព។ ដំណើរទស្សនកិច្ចនេះ បានបង្ហាញពីសមិទ្ធផលជាក់ស្តែង និងវឌ្ឍនភាពនៃកម្មវិធី ACCESS 2។ ដំណើរទស្សនកិច្ចនេះ បានផ្តល់នូវទស្សនៈស៊ីជម្រៅ បញ្ហាប្រឈមនៅថ្នាក់មូលដ្ឋាន និងតម្រូវការដែលកំពុងវិវត្តរបស់សហគមន៍។ ទស្សនៈទាំងនេះនឹងចូលរួមចំណែកដោយផ្ទាល់ក្នុងការតម្រង់ទិស និងរៀបចំគោលនយោបាយ យុទ្ធសាស្ត្រ និងផែនការសកម្មភាពនានានាពេលអនាគត។ លោកស្រី Tegan Park លេខាទីមួយនៃស្ថានទូតអូស្ត្រាលីប្រចាំកម្ពុជា បានគូសបញ្ជាក់ពីការគាំទ្ររបស់ប្រទេសអូស្ត្រាលី ចំពោះភាពជាអ្នកដឹកនាំក្នុងមូលដ្ឋានក្នុងការលើកកម្ពស់សមភាពយេនឌ័រ សេវាស្តារលទ្ធភាពពលកម្ម និងបរិយាបន្នពិការភាព។ លោកស្រីបានកត់សម្គាល់ថា ការយល់ដឹង និងកិច្ចសន្ទនាពីការចុះជួបផ្ទាល់នេះ នឹងបម្រើជាសសរស្តម្ភគ្រឹះសម្រាប់ការអនុម័តផែនការសកម្មភាពនាពេលអនាគត នៅក្នុងកិច្ចប្រជុំរបស់គណៈកម្មការប្រឹក្សាភិបាលនៃកម្មវិធី ACCESS 2 លើកទី៣ខាងមុខនេះ។ លោកជំទាវ គា សុភូ អភិបាលរងនៃអណៈអភិបាលខេត្តកំពង់ស្ពឺ បានថ្លៃងអំណរគុណចំពោះភាពជាដៃគូនេះ ដោយបានហៅដំណើរទស្សនកិច្ចនេះថា ជាសក្ខីភាពដ៏រស់រវើកនៃកិច្ចសហប្រតិបត្តិការដ៏រឹងមាំរវាងកម្ពុជា និងអូស្ត្រាលី ក្នុងការលើកកម្ពស់សមភាពយេនឌ័រ និងការបរិយាបន្នសង្គម។ តាមរយៈការចូលរួមដោយផ្ទាល់ជាមួយអាជ្ញាធរមូលដ្ឋាន និងអ្នកទទួលផល គណៈកម្មាធិការតម្រង់ទិសកម្មវិធី ACCESS 2 បានពង្រឹងបន្ថែមទៀតនូវសារៈសំខាន់នៃវិធីសាស្ត្របរិយាបន្ន ដែលដឹកនាំដោយមូលដ្ឋានផ្ទាល់។ តាមរយៈកម្មវិធី ACCESS 2 រដ្ឋាភិបាលអូស្ត្រាលីធ្វើការក្នុងភាពជាដៃគូជាមួយរាជរដ្ឋាភិបាលកម្ពុជា នឹងបន្តប្រើប្រាស់ការយល់ដឹងពីការចុះអនុវត្តផ្ទាល់ទាំងនេះ ដើម្បីពង្រឹងការសម្របសម្រួល ដោះស្រាយចន្លោះប្រហោងជាប្រព័ន្ធ...

អានបន្ត

28ឧសភា-26

ផែនការការងារស្តីពីបរិយាបន្នពិការភាព ប្រមូលផ្តុំធាតុចូលសំខាន់ៗដើម្បីធ្វើឱ្យប្រសើរនូវសេវាពិការភាព

កម្មវិធីកិច្ចសហប្រតិបត្តិការអូស្ត្រាលី-កម្ពុជាដើម្បីការផ្តល់សេវាប្រកបដោយនីរន្តរភាព និងសមធម៌ - ដំណាក់កាលទី 2 (ACCESS 2) ផ្នែកបរិយាបន្នពិការភាព (DI) ក្នុងភាពជាដៃគូជាមួយក្រសួងសង្គមកិច្ច អតីតយុទ្ធជន និងយុវនីតិសម្បទា (MoSVY) ក្រុមប្រឹក្សាសកម្មភាពពិការភាព (DAC) និងភាគីពាក់ព័ន្ធផ្សេងទៀត កំពុងជំរុញការកំណត់អត្តសញ្ញាណកម្មជនមានពិការភាព និងការគាំទ្រ ពង្រឹងអង្គការតំណាងជនមានពិការភាព (OPD) និងកែលម្អផែនការថ្នាក់ក្រោមជាតិ។ កិច្ចខិតខំប្រឹងប្រែងទាំងនេះស្របនឹងគោលនយោបាយរបស់រាជរដ្ឋាភិបាលកម្ពុជា រួមទាំងផែនការយុទ្ធសាស្ត្រជាតិស្តីពីពិការភាពលើកទី៣ តាមរយៈការគាំទ្រពីរដ្ឋាភិបាលអូស្ត្រាលី។ វិស័យអាទិភាពរួមមាន ការកសាងសមត្ថភាព OPD ការពង្រឹងប្រព័ន្ធនៅថ្នាក់ក្រោមជាតិ ជាពិសេសក្រុមប្រឹក្សាសកម្មភាពពិការខេត្ត (PDAC) និងកម្មវិធីវិនិយោគ (IP) និងការបង្កើនទំនាក់ទំនងជាមួយកម្មវិធីការពារសង្គម។ កាលពីថ្ងៃទី២១ ខែឧសភា ឆ្នាំ២០២៦ កម្មវិធី ACCESS 2 បានរៀបចំសិក្ខាសាលាផែនការការងារប្រចាំឆ្នាំរបស់ក្រុមការងារផ្នែកបរិយាបន្នពិការភាព នៅរាជធានីភ្នំពេញ ដោយបានអញ្ញើញតំណាងមកពីក្រសួងសង្គមកិច្ច អគ្គលេខាធិការដ្ឋានក្រុមប្រឹក្សាសកម្មភាពជនពពិការ ក្រុមប្រឹក្សាសកម្មភាពខេត្ត មូលនិធិជាតិជំនួយសង្គមជាតិ ស្ថាប័នរដ្ឋាភិបាលថ្នាក់ជាតិ និងថ្នាក់ក្រោមជាតិ (រួមទាំងនាយកដ្ឋាន IDPoor របស់ក្រសួងផែនការ) OPD និងដៃគូអនុវត្តជាយុទ្ធសាស្ត្រ (SIPs)។ សិក្ខាសាលានេះបានពិនិត្យឡើងវិញនូវវឌ្ឍនភាព និងបញ្ហាប្រឈមនានាក្នុងផ្នែកបរិយាបន្នពិការភាព និងបានពិភាក្សាអំពីផែនការការងារឆ្នាំ ២០២៦-២០២៧។ ការពិភាក្សាផ្តោតលើការពង្រឹងការចូលរួមរបស់ OPD ការកែលម្អការកំណត់អត្តសញ្ញាណកម្មជនមានពិការភាព និងទំនាក់ទំនងរបស់វាទៅនឹងកិច្ចគាំពារសង្គម និងការគាំទ្រដល់ការរួមបញ្ចូលមប្រឹក្សាសកម្មភាពខេត្ត និង IP ទៅក្នុងប្រព័ន្ធរដ្ឋាភិបាល។ អ្នកចូលរួមបានពិភាក្សាអំពីវឌ្ឍនភាព បញ្ហាប្រឈម មេរៀនដែលបានរៀន និងអនុសាសន៍។ អ្នកចូលរួមក៏បានផ្តោតលើការចូលរួមរបស់ OPD ការពង្រីកការកំណត់អត្តសញ្ញាណកម្មជនមានពិការភាព និងទំនាក់ទំនងរបស់វាទៅនឹងកិច្ចគាំពារសង្គម និងការកែលម្អកម្រិតផែនការ និងថវិកាថ្នាក់ក្រោមជាតិ។ ឯកឧត្តម អ៊ុង សម្បត្តិ អគ្គលេខាធិការ ក្រុមប្រឹក្សាសកម្មភាពជនពិការ និងជាសហប្រធានក្រុមការងារផ្នែកបរិយាបន្នពិការភាព បានអំពាវនាវដល់ក្រសួង ដៃគូ OPD...

អានបន្ត

28ឧសភា-26

សិក្ខាសាលាប្រចាំឆ្នាំក្រុមការងារ៖ ការប្រមូលធាតុចូលដើម្បីពង្រឹងសេវាស្តារលទ្ធភាពពលកម្មនៅក្នុងប្រព័ន្ធសុខាភិបាល

ក្នុងភាពជាដៃគូយ៉ាងជិតស្និទ្ធជាមួយក្រសួងសុខាភិបាល (MoH) និងដៃគូអនុវត្តជាយុទ្ធសាស្ត្រ (SIPs) ក្រុមការងារស្តារលទ្ធភាពពលកម្មរបស់កម្មវិធី ACCESS 2 សម្រេចបានវឌ្ឍនភាពគួរឱ្យកត់សម្គាល់ក្នុងប៉ុន្មានឆ្នាំចុងក្រោយនេះ រួមទាំងការរួមបញ្ចូលការស្តារលទ្ធភាពពលកម្មទៅក្នុងគោលនយោបាយរបស់ក្រសួងសុខាភិបាល និងការពង្រីកសេវាដែលមានមូលដ្ឋាននៅមន្ទីរពេទ្យទូទាំងប្រទេស ដូចជា អវយវៈសិប្បនិម្មិត និងរណប ឧបករណ៍ជំនួយ ការព្យាបាលដោយចលនា និងការព្យាបាលដោយការនិយាយ។ ដោយផ្អែកលើសមិទ្ធផលទាំងនេះ ផែនការការងារប្រចាំឆ្នាំលើកទី៤ (ពីខែកក្កដា ឆ្នាំ២០២៦ ដល់ខែមិថុនា ឆ្នាំ២០២៧) ផ្តោតលើការពង្រឹងយន្តការផ្តល់ហិរញ្ញប្បទានប្រកបដោយនិរន្តរភាព និងការអភិវឌ្ឍធនធានផ្នែកស្តារលទ្ធភាពពលកម្មដែលមានជំនាញ។ វាស្របតាមអាទិភាពរបស់រាជរដ្ឋាភិបាលកម្ពុជា រួមទាំងផែនទីបង្ហាញផ្លូវស្តីពីការគ្របដណ្តប់សុខភាពជាសកល (UHC) និងលើកទឹកចិត្តដល់កិច្ចសហការជាមួយកម្មវិធីដែលគាំទ្រដោយរដ្ឋាភិបាលអូស្រ្តាលី ដូចជា HEQIP 2 និង ISPH II។ នៅថ្ងៃទី២០ ខែឧសភា ឆ្នាំ២០២៦ ACCESS 2 បានរៀបចំសិក្ខាសាលាផែនការការងារប្រចាំឆ្នាំលើកទី៤ នៃការងារស្តារលទ្ធភាពពលកម្ម នៅរាជធានីភ្នំពេញ។ សិក្ខាសាលានេះបានប្រមូលផ្តុំតំណាងមកពីក្រសួងសុខាភិបាល និងមន្ទីរសុខាភិបាលខេត្ត អគ្គលេខាធិការដ្ឋានក្រុមប្រឹក្សាជាតិគាំពារសង្គម (GS-NSPC) លេខាធិការដ្ឋាន UHC មូលនិធិជាតិសន្តិសុខសង្គម (NSSF) ដៃគូអនុវត្តជាយុទ្ធសាស្រ្តផ្នែកការស្តារលទ្ធភាពពលកម្មរបស់ ACCESS 2 សមាគមវិជ្ជាជីវៈ ដៃគូអភិវឌ្ឍន៍ និងតំណាងអ្នកប្រើប្រាស់សេវា។ អ្នកចូលរួមបានឆ្លុះបញ្ចាំងពីវឌ្ឍនភាព បញ្ហាប្រឈម មេរៀនដែលបានរៀន និងកំណត់អាទិភាពសម្រាប់ការពង្រឹងសេវាស្តារលទ្ធភាពពកម្មនៅក្នុងប្រព័ន្ធសុខាភិបាល។ ក្នុងអំឡុងពេលពិភាក្សាជាក្រុម អ្នកចូលរួមបានពិភាក្សាអំពីរបៀបកែលម្អការទទួលបានសេវាស្តារលទ្ធភាពពលកម្មដែលមានគុណភាព ធានាហិរញ្ញប្បទានប្រកបដោយសមធម៌ និងនិរន្តរភាព និងពង្រឹងគន្លងអាជីព តួនាទីដែលបានកំណត់ និងការរៀបចំកិច្ចសន្យាសម្រាប់កម្លាំងពលកម្មស្តារលទ្ធភាពពលកម្ម។ លោកស្រី Tegan Park លេខាទី១នៃស្ថានទូតអូស្រ្តាលីប្រចាំនៅកម្ពុជា បានបញ្ជាក់ជាថ្មីនូវការប្តេជ្ញាចិត្តរបស់រដ្ឋាភិបាលអូស្ត្រាលីចំពោះវិធីសាស្រ្តដែលផ្តោតលើប្រជាជន និងផ្អែកលើសិទ្ធិ ជាពិសេសសម្រាប់ស្ត្រី ជនមានពិការភាព និងអ្នកដែលរស់នៅតាមទីជនបទ និងតំបន់ដែលខ្វះខាតសេវា។ លោកស្រីក៏បានសង្កត់ធ្ងន់លើតម្រូវការសម្រាប់ការសម្របសម្រួលឱ្យកាន់តែរឹងមាំដែលបន្សីរវាង ACCESS 2 និងគំនិតផ្តួចផ្តើមផ្សេងទៀតដែលគាំទ្រដោយរដ្ឋាភិបាលអូស្រ្តាលី។ ឯកឧត្តម ង៉ូវ កាង...

អានបន្ត

18ឧសភា-26

ACCESS 2 គាំទ្រការអនុវត្ត Microsoft 365 នៅក្រសួងកិច្ចការនារី

នៅថ្ងៃទី១២ ខែឧសភា ឆ្នាំ២០២៦ ក្រុមការងារបច្ចេកទេសរបស់ ACCESS 2 បានផ្តល់វគ្គបណ្តុះបណ្តាលស្តីពីការបង្កើតប្រព័ន្ធគ្រប់គ្រងទិន្នន័យសម្រាប់មន្ត្រីមកពីក្រសួងកិច្ចការនារី (MoWA) ជាពិសេសមន្រ្តីនាយកដ្ឋានកិច្ចការពារផ្លូវច្បាប់។ កាលពីមុន ACCESS 2 បានផ្តល់ការគាំទ្រស្រដៀងគ្នានេះដល់មន្ទីរកិច្ចការនារីខេត្ត (PDoWA) នៅទូទាំងខេត្តគោលដៅរបស់ខ្លួន ដែលមានដូចជា ខេត្តសៀមរាប កំពង់ចាម កំពង់ស្ពឺ និងរតនគិរី។ វគ្គបណ្តុះបណ្តាលនេះមានគោលបំណងពង្រឹងការគ្រប់គ្រងឯកសារ និងការផ្ទុកឯកសារទាក់ទងនឹងចំណេះដឹងអំពីអំពើហិង្សាទាក់ទងនឹងយេនឌ័រ (GBV)។ វគ្គនេះក៏ផ្តោតលើការកាត់បន្ថយហានិភ័យនៃការបាត់បង់ទិន្នន័យដែលបណ្តាលមកពីប្រព័ន្ធកុំព្យូទ័រដែលមិនគួរឱ្យទុកចិត្ត ការកែលម្អការប្រមូល និងការប្រើប្រាស់ទិន្នន័យ GBV និងការបង្កើនជំនាញឌីជីថលរបស់ក្រុមការងារ MoWA និង PDoWA។ ជាចុងក្រោយ គំនិតផ្តួចផ្តើមនេះខិតខំធានាថាព័ត៌មានទាក់ទងនឹង GBV ត្រូវបានគ្រប់គ្រងតាមរបៀបដែលមានសុវត្ថិភាព សន្តិសុខ និងនិរន្តរភាព។ កំឡុងពេលវគ្គបណ្តុះបណ្តាល ក្រុមការងារ ACCESS 2 ក៏បានផ្តល់ការណែនាំអំពីការអនុវត្តការគ្រប់គ្រងទិន្នន័យ កម្មវិធី Microsoft 365 SharePoint Online និងវិធានការសុវត្ថិភាពសំខាន់ៗដែលស្របតាមស្តង់ដារអន្តរជាតិ។ បន្ថែមពីលើសមាសធាតុទ្រឹស្តី អ្នកចូលរួមត្រូវបានផ្តល់ឱកាសឱ្យចូលរួមក្នុងការអនុវត្តជាក់ស្តែងលើកុំព្យូទ័រផ្ទាល់ខ្លួន ក្នុងការពង្រឹងជំនាញជាក់ស្តែង។ លោកស្រី ស ស៊ីណេត ប្រធាននាយកដ្ឋានកិច្ចការពារផ្លូវច្បាប់ បានលើកទឹកចិត្តដល់ក្រុមការងារឱ្យចូលរួមយ៉ាងសកម្ម និងពេញលេញនៅក្នុងវគ្គបណ្តុះបណ្តាលនេះ។ លោកស្រីបានសម្តែងការកោតសរសើរចំពោះការគាំទ្ររបស់ ACCESS 2 និងបានសរសើរគំនិតផ្តួចផ្តើមនេះថាវាជាជំហានដ៏សំខាន់មួយឆ្ពោះទៅរកការពង្រឹងសមត្ថភាពឌីជីថលរបស់នាយកដ្ឋាន។ ក្រសួងកិច្ចការនារី និង PDoWA ដើរតួនាទីយ៉ាងសំខាន់ក្នុងការពង្រីកការគាំទ្របច្ចេកទេសលើការផ្តល់សេវាផ្នែក GBV ដល់កម្រិតស្រុក និងឃុំ ដោយធានាបាននូវនិរន្តរភាពរយៈពេលវែងនៃអន្តរាគមន៍ ACCESS 2។ ដោយសារក្រុមការងារ PDoWA ទាំងបួនបានទទួលវគ្គបណ្តុះបណ្តាលរួចហើយនូវចំណេះដឹង និងការចូលប្រើប្រាស់ប្រព័ន្ធគ្រប់គ្រងរួមគ្នា វគ្គបណ្តុះបណ្តាលនេះគឺជាជំហានដ៏សំខាន់មួយក្នុងការអនុញ្ញាតឱ្យនាយកដ្ឋានកិច្ចការពារផ្លូវច្បាប់នៅថ្នាក់ជាតិទទួលបានអត្ថប្រយោជន៍ពីឧបករណ៍ និងសមត្ថភាពឌីជីថលដូចគ្នា។ ជាផ្នែកមួយនៃគំនិតផ្តួចផ្តើមនេះ ACCESS 2 ក៏បានប្រគល់កុំព្យូទ័រយួរដៃថ្មីមួយគ្រឿងដល់នាយកដ្ឋានកិច្ចការពារផ្លូវច្បាប់ផងដែរ។ ឧបករណ៍នេះភ្ជាប់មកជាមួយនឹងប្រព័ន្ធរួមបញ្ចូលគ្នាដែលត្រូវបានរចនាឡើងដើម្បីគាំទ្រសេវាសម្រាប់ជនរងគ្រោះ GBV។ រដ្ឋាភិបាលអូស្ត្រាលីនៅតែប្តេជ្ញាចិត្តក្នុងការលើកកម្ពស់កន្លែងធ្វើការដែលមានសុវត្ថិភាព បរិយាបន្ន និងផ្អែកលើស្តង់ដារនៅទូទាំងបរិយាកាសកម្មវិធី៕

អានបន្ត

12ឧសភា-26

វគ្គបណ្តុះបណ្តាលរំលឹក ពង្រឹងកន្លែងធ្វើការប្រកបដោយបរិយាបន្ន និងសុវត្ថិភាព

រដ្ឋាភិបាលអូស្ត្រាលី តាមរយៈកម្មវិធីកិច្ចសហប្រតិបត្តិការអូស្ត្រាលី-កម្ពុជា ដើម្បីការផ្តល់សេវា ប្រកបដោយនិរន្តរភាព និងសមធម៌ - ដំណាក់កាលទី 2 (ACCESS2) បន្តការប្តេជ្ញាចិត្តរបស់ខ្លួនក្នុងការធានាកន្លែងធ្វើការដែលមានសុវត្ថិភាព បរិយាបន្ន និងផ្អែកលើស្តង់ដារនៅទូទាំងបរិយាកាសកម្មវិធី។ នៅក្នុងខែមេសា និងឧសភា ឆ្នាំ២០២៦ ACCESS 2 បានផ្តល់វគ្គបណ្តុះបណ្តាលរំលឹក ស្តីពីគោលការណ៍កិច្ចការពារសុវត្ថិភាព (ការទប់ស្កាត់ការកេងប្រវ័ញ្ច ការរំលោភបំពាន និងការបៀតបៀនផ្លូវភេទ កិច្ចការពារកុមារ) ការគ្រប់គ្រងការក្លែងបន្លំ និងអំពើពុករលួយ នៅខេត្តគោលដៅ។ បន្ថែមពីនេះទៀត នៅរាជធានីភ្នំពេញ វគ្គបណ្តុះបណ្តាលក៏បានផ្តោតលើគោលការណ៍ណែនាំផ្នែកទំនាក់ទំនង ការគ្រប់គ្រងមូលនិធិ និងការគ្រប់គ្រងហានិភ័យផងដែរ។ វគ្គបណ្តុះបណ្តាលនេះផ្តល់ដល់ដៃគូរដ្ឋាភិបាលនៅថ្នាក់ជាតិ និងថ្នាក់ក្រោមជាតិ រួមទាំងដៃគូអនុវត្តជាយុទ្ធសាស្ត្រ (SIPs)។ បច្ចុប្បន្ននេះ នៅចុងបញ្ចប់នៃឆ្នាំទីបីរបស់កម្មវិធី វគ្គបណ្តុះបណ្តាលនៅតែបន្តផ្តល់លទ្ធផលដ៏រឹងមាំ។ សិក្ខាកាមទទួលបានការយល់ដឹងកាន់តែច្បាស់អំពីវិធានការកិច្ចការពារសុវត្ថិភាពរបស់ ACCESS2 នីតិវិធីរាយការណ៍ជាជំហានៗ និងការទទួលខុសត្រូវខាងក្រមសីលធម៌។ សមត្ថភាពរបស់សិក្ខាកាម ក្នុងការចែករំលែកបន្តដល់អ្នកដទៃនៅក្នុងស្ថាប័នរបស់ត្រូវបានបង្កើន ដែលគាំទ្រដល់ការអនុម័តយ៉ាងទូលំទូលាយនៃការអនុវត្តការការពារ។ វគ្គទាំងនេះក៏បានអនុញ្ញាតឱ្យដៃគូពិនិត្យ និងកែលម្អគោលនយោបាយរបស់ស្ថាប័នរបស់ខ្លួន ខណៈពេលដែលពង្រឹងជំនាញក្នុងការអភិវឌ្ឍសម្ភារព័ត៌មាន ការអប់រំ និងការទំនាក់ទំនង (IEC) សម្រាប់សហគមន៍។ លើសពីនេះ អ្នកចូលរួមបានពង្រឹងចំណេះដឹង អំពីការគ្រប់គ្រងការក្លែងបន្លំ ការគ្រប់គ្រងជំមូលនិធិ ការគ្រប់គ្រងហានិភ័យ និងការទំនាក់ទំនងស្របតាមស្តង់ដារ DFAT និង Abt។ សំឡេងពីអភិបាលរងខេត្ត ដោយឆ្លុះបញ្ចាំងពីវគ្គបណ្តុះបណ្តាលនៅខេត្តកំពង់ចាម លោកជំទាវ ប៉ាង ដានី អភិបាលរងនៃគណៈអភិបាលខេត្ត បានសង្កត់ធ្ងន់លើសារៈសំខាន់នៃវគ្គបណ្តុះបណ្តាលថា៖ «យើងត្រូវតែធានាការផ្តល់សេវាប្រកបដោយសុវត្ថិភាព និងការងារសង្គមប្រកបដោយយុត្តិធម៌ ដើម្បីឱ្យកម្មវិធីនេះអាចសម្រេចបាននូវគោលដៅរបស់ខ្លួនដោយផ្អែកលើសិទ្ធិមនុស្ស និងសុចរិតភាព»។ ឯកឧត្តម ហាន ភក្តី អភិបាលរងនៃគណៈអភិបាលខេត្តកំពង់ស្ពឺ បានមានប្រសាសន៍ថា៖ «វគ្គបណ្តុះបណ្តាលនេះមិនមែនគ្រាន់តែជាការជួបជុំធម្មតានោះទេ ប៉ុន្តែវាគឺជាការរំលឹកអំពីការប្តេជ្ញាចិត្ត និងមនសិការវិជ្ជាជីវៈរបស់យើងក្នុងការបម្រើប្រជាពលរដ្ឋប្រកបដោយសុចរិតភាព។ ការការពារមិនមែនគ្រាន់តែជាទ្រឹស្តីមួយនោះទេ។ វាគឺជាខែលដ៏រឹងមាំសម្រាប់អ្នកទទួលសេវា បុគ្គលិក មន្ត្រីអនុវត្ត...

អានបន្ត