ព័ត៌មានចុងក្រោយ
ព្រឹត្តិការណ៍នាពេលខាងមុខ
អង្គការ CARE, ACCESS 2, សមាគមជនជាតិដើមភាគតិចតំបន់ខ្ពង់រាប (HA) និងអង្គការអភិរក្សភាសាជនជាតិដើមភាគតិច (CIPL) នឹងរៀបចំវគ្គតម្រង់ទិសសម្រាប់អ្នកពាក់ព័ន្ធក្នុងវិស័យយុត្តិធម៌ ស្តីពីការដោះស្រាយបទដ្ឋានយេនឌ័រដែលបង្កគ្រោះថ្នាក់ និងអំពើហិង្សាផ្អែកលើយេនឌ័រ (GBV) នៅខេត្តរតនគិរី
កាលបរិច្ឆេទ៖ ថ្ងៃទី២៦-២៧ ខែតុលា ឆ្នាំ២០២៦ នៅខេត្តរតនគិរី គោលបំណង៖ ដើម្បីតម្រង់ទិសដល់អ្នកពាក់ព័ន្ធក្នុងវិស័យយុត្តិធម៌ និងមន្ត្រីអនុវត្តច្បាប់ អំពីបទដ្ឋានយេនឌ័រដែលបង្កគ្រោះថ្នាក់ អំពើហិង្សាផ្អែកលើយេនឌ័រ ការចូលរួមប្រកបដោយភាពយល់ដឹងពីវប្បធម៌ជាមួយសហគមន៍ជនជាតិដើមភាគតិច និងការត្រៀមសម្រាប់វេទិកាពិភាក្សាសហគមន៍។ ដើម្បីពិនិត្យឡើងវិញនូវបទដ្ឋានអវិជ្ជមានអាទិភាពចំនួន៤ ពង្រឹងការយល់ដឹងអំពីផលប៉ះពាល់នៃអំពើហិង្សាផ្អែកលើយេនឌ័រ រៀបចំអនុសាសន៍ពីសហគមន៍ និងត្រៀមតំណាងជនជាតិដើមភាគតិចសម្រាប់ការពិភាក្សាជាមួយអ្នកពាក់ព័ន្ធក្នុងវិស័យយុត្តិធម៌។
CWCC នឹងគាំទ្រសមាជិកក្រុមគាំទ្រស្ត្រី និងយុវជន ដើម្បីចូលរួមក្នុងកិច្ចប្រជុំ CCWC និងធ្វើការតស៊ូមតិដើម្បីបញ្ចូលបញ្ហា GBV និងថវិកាពាក់ព័ន្ធទៅក្នុងផែនការអភិវឌ្ឍន៍ថ្នាក់មូលដ្ឋាន នៅខេត្តកំពង់ស្ពឺ។
កាលបរិច្ឆេទ និងទីតាំង៖ ថ្ងៃទី២៨ ខែតុលា ឆ្នាំ ២០២៦ នៅឃុំក្រាំងចេក ស្រុកសាមគ្គីមានជ័យ ខេត្តកំពង់ស្ពឺ ថ្ងៃទី២៩ ខែតុលា ឆ្នាំ ២០២៦ នៅឃុំជើងរាស់ ស្រុកសាមគ្គីមានជ័យ ខេត្តកំពង់ស្ពឺ ថ្ងៃទី៣០ ខែតុលា ឆ្នាំ ២០២៦ នៅឃុំពាំងល្វា ស្រុកសាមគ្គីមានជ័យ ខេត្តកំពង់ស្ពឺ ថ្ងៃទី៣០ ខែតុលា ឆ្នាំ ២០២៦ នៅឃុំយុទ្ធសាមគ្គី ស្រុកសាមគ្គីមានជ័យ ខេត្តកំពង់ស្ពឺ គោលបំណង៖ គាំទ្រសមាជិកក្រុមគាំទ្រស្ត្រី និងយុវជនឱ្យចូលរួមកិច្ចប្រជុំប្រចាំខែរបស់ CCWC និងធ្វើការស្វែងរកមតិគាំទ្រសម្រាប់ការបង្ការ និងឆ្លើយតបចំពោះអំពើហិង្សាទាក់ទងនឹងយេនឌ័រ (GBV) នៅថ្នាក់មូលដ្ឋាន។
អង្គការ CARE និង PAfID នឹងរៀបចំវគ្គបណ្តុះបណ្តាល ស្តីពីអំពើហិង្សាទាក់ទងនឹងយេនឌ័រ (GBV) នៅខេត្តរតនគិរី
កាលបរិច្ឆេទ៖ ថ្ងៃទី២៨ ខែតុលា ឆ្នាំ២០២៦ នៅស្រុកតាវែង ខេត្តរតនគិរី គោលបំណង៖ ដើម្បីពង្រឹងចំណេះដឹង និងសមត្ថភាពរបស់អ្នកពាក់ព័ន្ធក្នុងសហគមន៍ អំពីការទប់ស្កាត់អំពើហិង្សាទាក់ទងនឹងយេនឌ័រ យន្តការឆ្លើយតប វិធីសាស្ត្រផ្តោតលើអ្នកនៅរស់រានមានជីវិតជាស្នូល និងប្រព័ន្ធបញ្ជូនទៅរកសេវាបន្ត។
មន្ទីរកិច្ចការនារីខេត្ត អង្គការ CARE និង ACCESS 2 នឹងរៀបចំវេទិកាពិភាក្សាផ្នែកច្បាប់រវាងថ្នាក់ដឹកនាំជនជាតិដើមភាគតិច និងតំណាងមន្ត្រីអនុវត្តច្បាប់ ដើម្បីលើកកម្ពស់សុវត្ថិភាពស្ត្រី និងក្មេងស្រីជនជាតិដើមភាគតិច និងការទប់ស្កាត់អំពើហិង្សាទាក់ទងនឹងយេនឌ័រ នៅខេត្តរតនគិរី
កាលបរិច្ឆេទ៖ ថ្ងៃទី២៨ ខែតុលា ឆ្នាំ២០២៦ នៅខេត្តរតនគិរី គោលបំណង៖ ដើម្បីបង្កើនការយល់ដឹងរួមអំពីបទដ្ឋាន និងការអនុវត្តប្រពៃណីអវិជ្ជមានអាទិភាពចំនួន៤ ដែលជះឥទ្ធិពលដល់ស្ត្រី និងកុមារីជនជាតិដើមភាគតិច។ ដើម្បីពង្រឹងការពិភាក្សា និងកិច្ចសហការរវាងសហគមន៍ជនជាតិដើមភាគតិច អាជ្ញាធរមូលដ្ឋាន និងអ្នកពាក់ព័ន្ធក្នុងវិស័យយុត្តិធម៌។
ក្រុមប្រឹក្សាសកម្មភាពជនមានពិការភាពខេត្ត (PDAC) នឹងរៀបចំកិច្ចប្រជុំប្រចាំត្រីមាសរបស់ខ្លួននៅខេត្តកំពង់ចាម។
កាលបរិច្ឆេទ៖ ថ្ងៃទី៣០ ខែតុលា ឆ្នាំ២០២៦ នៅសាលាខេត្តកំពង់ចាម គោលបំណង៖ ដើម្បីពិនិត្យវឌ្ឍនភាពសំខាន់ៗ ចែករំលែកមេរៀនដែលរៀនសូត្របាន និងបញ្ហាប្រឈមនានា ព្រមទាំងពិភាក្សាអំពីទិសដៅការងារនាពេលខាងមុខ និងសកម្មភាពអាទិភាពក្នុងចំណោមសមាជិកក្រុមប្រឹក្សាសកម្មភាពជនមានពិការភាពខេត្ត។