Events – Page 2 – ACCESS 2 Cambodia

Our Projects

Oct 26 2026

អង្គការ CARE, ACCESS 2, សមាគមជនជាតិដើមភាគតិចតំបន់ខ្ពង់រាប (HA) និងអង្គការអភិរក្សភាសាជនជាតិដើមភាគតិច (CIPL) នឹងរៀបចំវគ្គតម្រង់ទិសសម្រាប់អ្នកពាក់ព័ន្ធក្នុងវិស័យយុត្តិធម៌ ស្តីពីការដោះស្រាយបទដ្ឋានយេនឌ័រដែលបង្កគ្រោះថ្នាក់ និងអំពើហិង្សាផ្អែកលើយេនឌ័រ (GBV) នៅខេត្តរតនគិរី

កាលបរិច្ឆេទ៖ ថ្ងៃទី២៦-២៧ ខែតុលា ឆ្នាំ២០២៦ នៅខេត្តរតនគិរី គោលបំណង៖ ដើម្បីតម្រង់ទិសដល់អ្នកពាក់ព័ន្ធក្នុងវិស័យយុត្តិធម៌ និងមន្ត្រីអនុវត្តច្បាប់ អំពីបទដ្ឋានយេនឌ័រដែលបង្កគ្រោះថ្នាក់ អំពើហិង្សាផ្អែកលើយេនឌ័រ ការចូលរួមប្រកបដោយភាពយល់ដឹងពីវប្បធម៌ជាមួយសហគមន៍ជនជាតិដើមភាគតិច និងការត្រៀមសម្រាប់វេទិកាពិភាក្សាសហគមន៍។ ដើម្បីពិនិត្យឡើងវិញនូវបទដ្ឋានអវិជ្ជមានអាទិភាពចំនួន៤ ពង្រឹងការយល់ដឹងអំពីផលប៉ះពាល់នៃអំពើហិង្សាផ្អែកលើយេនឌ័រ រៀបចំអនុសាសន៍ពីសហគមន៍ និងត្រៀមតំណាងជនជាតិដើមភាគតិចសម្រាប់ការពិភាក្សាជាមួយអ្នកពាក់ព័ន្ធក្នុងវិស័យយុត្តិធម៌។

Oct 22 2026

CWCC នឹងគាំទ្រសមាជិកក្រុមគាំទ្រស្ត្រី និងយុវជន ដើម្បីចូលរួមក្នុងកិច្ចប្រជុំ CCWC និងធ្វើការតស៊ូមតិដើម្បីបញ្ចូលបញ្ហា GBV និងថវិកាពាក់ព័ន្ធទៅក្នុងផែនការអភិវឌ្ឍន៍ថ្នាក់មូលដ្ឋាន នៅខេត្តសៀមរាប។

កាលបរិច្ឆេទ និងទីតាំង៖ ថ្ងៃទី២២ ខែតុលា ឆ្នាំ ២០២៦ នៅឃុំស្វាយលើ ស្រុកស្វាយលើ ខេត្តសៀមរាប គោលបំណង៖ គាំទ្រសមាជិកក្រុមគាំទ្រស្ត្រី និងយុវជនឱ្យចូលរួមកិច្ចប្រជុំប្រចាំខែរបស់ CCWC និងធ្វើការស្វែងរកមតិគាំទ្រសម្រាប់ការបង្ការ និងឆ្លើយតបចំពោះអំពើហិង្សាទាក់ទងនឹងយេនឌ័រ (GBV) នៅថ្នាក់មូលដ្ឋាន។

Oct 21 2026

ក្រសួងកិច្ចការនារី និង UN Women នឹងរៀបចំបេសកកម្មចុះតាមដានការអនុវត្តបញ្ជីត្រួតពិនិត្យការតាមដានសេវាចាំបាច់សម្រាប់ការឆ្លើយតបអំពើហិង្សាទាក់ទងយេនឌ័រ

កាលបរិច្ឆេទ៖ ថ្ងៃទី២១-៣០ ខែតុលា ឆ្នាំ២០២៦ នៅខេត្តកំពង់ចាម កំពង់ស្ពឺ សៀមរាប និងរតនគិរី។ គោលបំណង៖ ដើម្បីវាយតម្លៃវឌ្ឍនភាព និងផ្តល់ការគាំទ្រដល់មន្ទីរកិច្ចការនារីខេត្តក្នុងការអនុវត្តបញ្ជីត្រួតពិនិត្យការតាមដានសេវាចាំបាច់ និងរៀបចំរបាយការណ៍សង្ខេប។

Oct 20 2026

CWCC នឹងដំណើរការបន្ទប់ប្រឹក្សាយោបល់សម្រាប់ស្ត្រី និងក្មេងស្រីនៅរស់រានមានជីវិត រួមមានការបង្វឹក និងការណែនាំ ព្រមទាំងការតាមដាន និងកត់ត្រាផលជះវិជ្ជមាននៃបន្ទប់ប្រឹក្សាយោបល់ដែលបានបង្កើតឡើងនៅខេត្តសៀមរាប

កាលបរិច្ឆេទ និងទីតាំង៖ ថ្ងៃទី២០ ខែតុលា ឆ្នាំ ២០២៦ នៅឃុំតាសៀម ស្រុកស្វាយលើ ថ្ងៃទី២១ ខែតុលា ឆ្នាំ ២០២៦ នៅឃុំបឹងមាលា ស្រុកស្វាយលើ គោលបំណង៖ តាមដាន និងពង្រឹងការដំណើរការបន្ទប់ប្រឹក្សាយោបល់សម្រាប់អ្នកនៅរស់រានមានជីវិត។

Oct 19 2026

ក្រសួងកិច្ចការនារី និង UN Women នឹងរៀបចំវគ្គតម្រង់ទិសស្តីពី នីតិវិធីប្រតិបត្តិស្តង់ដា(SOPs) សម្រាប់ក្រុមការងារឆ្លើយតបអំពើហិង្សាទាក់ទងនឹងយេនឌ័រតាមយន្តការសម្របសម្រួលជាពហុវិស័យ

កាលបរិច្ឆេទ៖ ថ្ងៃទី១៩-២០ ខែតុលា ឆ្នាំ២០២៦ នៅរាជធានីភ្នំពេញ។ គោលបំណង៖ វគ្គតម្រង់ទិសនេះមានគោលបំណងពង្រឹងការយល់ដឹង និងការអនុវត្តជាក់ស្តែងលើនីតិវិធីប្រតិបត្តិស្តង់ដារបស់ក្រុមការងារឆ្លើយតបអំពើហិង្សាទាក់ទងនឹងយេនឌ័រ រួមទាំងតួនាទី និងការទទួលខុសត្រូវ យន្តការបញ្ជូនបន្ត ការចែករំលែកព័ត៌មានប្រកបដោយសុវត្ថិភាព និងការសម្របសម្រួលការឆ្លើយតបដែលផ្តោតលើអ្នកនៅរស់រានមានជីវិតនៅគ្រប់វិស័យ។

Oct 19 2026

មន្ទីរកិច្ចការនារីខេត្ត (PDoWA) និង ACCESS 2 នឹងរៀបចំវគ្គបណ្តុះបណ្តាលពង្រឹងសមត្ថភាពស្តីពីយន្តការបញ្ជូនបន្ត និងការអនុវត្តផ្នែកសុខាភិបាលសម្រាប់ក្រុមការងារឆ្លើយតបអំពើហិង្សាទាក់ទងនឹងយេនឌ័រ (GBV-RWG) នៅខេត្តកំពង់ចាម

កាលបរិច្ឆេទ៖ ថ្ងៃទី១៩-២០ ខែតុលា ឆ្នាំ២០២៦ នៅស្រុកកងមាស គោលបំណង៖ ពង្រឹងជំនាញ និងចំណេះដឹងរបស់សមាជិក GBV-RWG អំពីយន្តការបញ្ជូនបន្ត និងការអនុវត្តផ្នែកសុខាភិបាលពាក់ព័ន្ធនឹងការឆ្លើយតបចំពោះករណី GBV។

Oct 08 2026

មន្ទីរកិច្ចការនារីខេត្ត (PDoWA) និង ACCESS 2 នឹងរៀបចំវគ្គបណ្តុះបណ្តាលពង្រឹងសមត្ថភាពសម្រាប់ក្រុមការងារឆ្លើយតបអំពើហិង្សាទាក់ទងនឹងយេនឌ័រ (GBV-RWG) នៅខេត្តកំពង់ចាម

កាលបរិច្ឆេទ៖ ថ្ងៃទី៨-៩ ខែតុលា ឆ្នាំ២០២៦ នៅសាលាស្រុកស្រីសន្ធរ ខេត្តកំពង់ចាម គោលបំណង៖ ផ្តល់ចំណេះដឹងបន្ថែមដល់សមាជិកថ្មីនៃក្រុមការងារ GBV-RWG អំពីស្តង់ដារអប្បបរមាសម្រាប់ការឆ្លើយតបអំពើហិង្សាទាក់ទងនឹងយេនឌ័រ និងប្រព័ន្ធបញ្ជូនទៅរកសេវាបន្ត នៅក្នុងស្រុកគោលដៅ។

Oct 06 2026

មន្ទីរកិច្ចការនារីខេត្ត (PDoWA) នឹងរៀបចំកិច្ចប្រជុំប្រចាំត្រីមាស ស្តីពីអំពើហិង្សាទាក់ទងនឹងយេនឌ័រ (GBV) ថ្នាក់ខេត្ត នៅខេត្តកំពង់ចាម

កាលបរិច្ឆេទ៖ ថ្ងៃទី៦ ខែតុលា ឆ្នាំ២០២៦ នៅសាលប្រជុំមន្ទីរកិច្ចការនារីខេត្តកំពង់ចាម គោលបំណង៖ បង្ហាញលទ្ធផលសម្រេចបានរបស់ក្រុមការងារឆ្លើយតបអំពើហិង្សាទាក់ទងនឹងយេនឌ័រ ក្នុងត្រីមាសទី២ ឆ្នាំ២០២៦ ពិភាក្សាអំពីបញ្ហាប្រឈម និងដំណោះស្រាយពាក់ព័ន្ធនឹងករណី GBV និងរៀបចំផែនការការងារ និងផែនការសកម្មភាពសម្រាប់ត្រីមាសបន្ទាប់។

Oct 05 2026

CWCC នឹងគាំទ្រសមាជិកក្រុមគាំទ្រស្ត្រី និងយុវជន រួមទាំងជនមានពិការភាព និងក្រុមជនងាយរងគ្រោះដទៃទៀត ក្នុងការរៀបចំសកម្មភាពផ្សព្វផ្សាយការយល់ដឹងអំពីសិទ្ធិនារី សិទ្ធិជនមានពិការភាព អំពើហិង្សាទាក់ទងនឹងយេនឌ័រ និងសេវាបញ្ជូនបន្ត នៅខេត្តសៀមរាប។

កាលបរិច្ឆេទ និងទីតាំង៖ ថ្ងៃទី៥ ខែតុលា ឆ្នាំ២០២៦ នៅភូមិអង្កាញ់ ឃុំស្វាយលើ ស្រុកស្វាយលើ ថ្ងៃទី៦ ខែតុលា ឆ្នាំ២០២៦ នៅភូមិត្រពាំងខ្នា ឃុំស្វាយលើ ស្រុកស្វាយលើ ថ្ងៃទី៧ ខែតុលា ឆ្នាំ២០២៦ នៅភូមិតាសៀម ឃុំតាសៀម ស្រុកស្វាយលើ ថ្ងៃទី២១ ខែតុលា ឆ្នាំ២០២៦ នៅភូមិខ្នងភ្នំ ឃុំខ្នងភ្នំ ស្រុកស្វាយលើ ថ្ងៃទី២១ ខែតុលា ឆ្នាំ២០២៦ នៅភូមិក្រញូង ឃុំតាសៀម ស្រុកស្វាយលើ ថ្ងៃទី២២ ខែតុលា ឆ្នាំ២០២៦ នៅភូមិតាពេញ ឃុំខ្នងភ្នំ ស្រុកស្វាយលើ ថ្ងៃទី២២ ខែតុលា ឆ្នាំ២០២៦ នៅភូមិកន្ទួត ឃុំកន្ទួត ស្រុកស្វាយលើ គោលបំណង៖ គាំទ្រសមាជិកក្រុមគាំទ្រស្ត្រី និងយុវជនក្នុងការអនុវត្តសកម្មភាពលើកកម្ពស់ការយល់ដឹងនៅតាមសហគមន៍។

Oct 01 2026

មន្ទីរកិច្ចការនារីខេត្ត (PDoWA) និងអង្គការ CARE ផ្តល់ការគាំទ្រផ្នែកបច្ចេកទេសសម្រាប់កិច្ចប្រជុំប្រចាំត្រីមាសលើកទី៣ របស់ក្រុមការងារផ្នែកអំពើហិង្សាទាក់ទងនឹងយេនឌ័រ-ខេត្តរតនគិរី

កាលបរិច្ឆេទ៖ ថ្ងៃទី១ ខែតុលា ឆ្នាំ២០២៦ (ពេលព្រឹក) នៅសាលប្រជុំរបស់មន្ទីរកិច្ចការនារី ខេត្តរតនគិរី។ គោលបំណង៖ ដើម្បីបង្ហាញលទ្ធផលសម្រេចបានរបស់ក្រុមការងារ GBV សម្រាប់ត្រីមាសទី២ ឆ្នាំ២០២៦ ពិភាក្សាអំពីបញ្ហាប្រឈម និងដំណោះស្រាយពាក់ព័ន្ធនឹងករណី GBV និងរៀបចំផែនការការងារ និងផែនការសកម្មភាពសម្រាប់ត្រីមាសបន្ទាប់នៃឆ្នាំ២០២៦