Latest News-KH

សហការក្នុងភាពជាដៃគូជាមួយរដ្ឋបាលថ្នាក់ក្រោមជាតិ ដើម្បីពង្រឹងសេវាស្តារលទ្ធភាពពលកម្មនៅក្នុងប្រព័ន្ធសុខាភិបាលកម្ពុជា

រដ្ឋាភិបាលភិបាលអូស្រ្តាលី តាមរយៈកម្មវិធី ACCESS 2 បន្តគាំទ្រដល់កិច្ចប្រឹងប្រែងក្នុងការពង្រឹងសេវាស្តារលទ្ធភាពពលកម្មនៅក្នុងប្រព័ន្ធសុខាភិបាលកម្ពុជា។ កាលពីថ្ងៃទី២២ ខែមករា ឆ្នាំ២០២៦ អង្គការ OIC Cambodia រួមជាមួយរដ្ឋបាលខេត្តក្រចេះ និងវិស័យសុខាភិបាលខេត្ត បានសម្ពោធដាក់ឱ្យ​ប្រើប្រាស់នូវសេវាព្យាបាលការប្រាស្រ័យទាក់ទង និងភាសានៅមន្ទីរពេទ្យបង្អែកខេត្តក្រចេះ។ ព្រឹត្តិការណ៍នេះ បានសម្គាល់ពីការបង្កើតជាផ្លូវការនៃបន្ទប់សេវាព្យាបាលការប្រាស្រ័យទាក់ទង និងភាសា ដែលជួយពង្រីកដល់ការទទួលបានការគាំទ្រផ្នែកការប្រាស្រ័យទាក់ទង និងភាសានៅកម្រិតថ្នាក់ខេត្ត។ គំនិតផ្តួចផ្តើមនេះ មានគោលបំណងលើកកម្ពស់សេវាការព្យាបាលការប្រាស្រ័យទាក់ទងដែលអាចរកបាននៅក្នុងមន្ទីរពេទ្យ បង្កើនការយល់ដឹងបន្ថែមនូវការលំបាកក្នុងការប្រាស្រ័យទាក់ទង និងភាសាចំពោះកុមារ និងពង្រឹងការកំណត់អត្តសញ្ញាណពីដំបូង និងការបញ្ជូនរវាងមណ្ឌលសុខភាព សហគមន៍ និងដៃគូពាក់ព័ន្ធ។   ការព្យាបាលការនិយាយអាចដើរតួនាទីយ៉ាងសំខាន់ក្នុងការស្តារនីតិសម្បទា រួមទាំងការគាំទ្រដល់អ្នកដែលកំពុងជាសះស្បើយពីជំងឺដាច់សរសៃឈាមខួរក្បាល ដើម្បីធ្វើឱ្យប្រសើរនូវការប្រាស្រ័យទាក់ទង និងការលេបអាហារ។ ការព្យាបាលការនិយាយក៏អាចជួយកុមារដែលមានតម្រូវការទំនាក់ទំនង រួមទាំងកុមារដែលមានជំងឺអូទីហ្សឹមផងដែរ ដើម្បីពង្រឹងជំនាញទំនាក់ទំនង និងការចូលរួមក្នុងជីវិតប្រចាំថ្ងៃ។ លោកវេជ្ជបណ្ឌិត ខេង ម៉ាប់ អនុប្រធានមន្ទីរពេទ្យបង្អែកខេត្តក្រចេះ បានសង្កត់ធ្ងន់ពីសារៈសំខាន់នៃការពង្រឹងសេវាព្យាបាលការនិយាយនៅថ្នាក់ខេត្ត ជាពិសេសសម្រាប់កុមារដែលមានបញ្ហាក្នុងការទំនាក់ទំនង និងភាសា។ លោកបានមានប្រសាសន៍ថា៖ «ខ្ញុំជឿជាក់យ៉ាងមុតមាំថា សេវានេះនឹងឆ្លើយតបទៅនឹងតម្រូវការរបស់កុមារ និងក្រុមគ្រួសាររបស់ពួកគេ ទាំងនៅក្នុងខេត្តក្រចេះ និងនៅខេត្តជិតខាង ដោយធានាបាននូវការទទួលបានសេវាទំនាក់ទំនង និងភាសាដែលមានគុណភាពទាន់ពេលវេលា»៕ លោក Sasha Cigljarevic អនុប្រធានកម្មវិធី ACCESS 2 បានមានប្រសាសន៍ថា៖ «ក្នុងនាមកម្មវិធី ACCESS 2 ខ្ញុំសូមថ្លែងអំណរគុណយ៉ាងជ្រាលជ្រៅចំពោះមន្ទីរសុខាភិបាលខេត្ត មន្ទីរពេទ្យបង្អែកខេត្តក្រចេះ និងរដ្ឋបាលថ្នាក់ក្រោមជាតិខេត្តក្រចេះ ចំពោះភាពជាដៃគូដ៏រឹងមាំ និងបន្តទៅមុខ»។ អង្គការ OIC កម្ពុជា គឺជាដៃគូអនុវត្តយុទ្ធសាស្ត្រមួយរបស់ ACCESS 2 ដោយអនុវត្តគម្រោង «ការដាក់បញ្ចូលចំណេះដឹង និងការអនុវត្តន៍ស្តីពីការព្យាបាលការប្រាស្រ័យទាក់ទងទៅក្នុងសេវា និងកម្លាំងការងាររបស់ប្រទេសកម្ពុជា ដើម្បីគាំទ្រដល់ប្រជាជនដែលមានការលំបាកក្នុងការទំនាក់ទំនង និងពិបាកក្នុងការលេបលេបអាហារនៅក្នុងខេត្តក្រចេះ និងខេត្តកំពង់ស្ពឺ»។ តាមរយៈភាពជាដៃគូ ជាមួយដៃគូអនុវត្តជាយុទ្ធសាស្រ្ត រួមទាំងអង្គការ OIC កម្ពុជា និងអង្គការ Exceed...

កិច្ចប្រជុំឆ្លុះបញ្ចាំងប្រចាំឆ្នាំរបស់កម្មវិធី ACCESS 2៖ ការពង្រឹងការធ្វើការជាក្រុម និងកិច្ចសហការ

នេះជាលើកទី៣នៃកិច្ចប្រជុំបុគ្គលិកប្រចាំឆ្នាំរបស់ ACCESS 2 ដែលបានរៀបចំឡើងថ្ងៃទី២៨ ដល់ថ្ងៃ៣០ ខែមករា ឆ្នាំ២០២៦ នៅខេត្តកំពត និងខេត្តកែប។ កិច្ចប្រជុំនេះ មានការចូលរួមពីសំណាក់បុគ្គលិកនៅការិយាល័យកណ្ដាល និងបុគ្គលិកនៅថ្នាក់ក្រោមជាតិ ដើម្បីពង្រឹងកិច្ចសហការការងារ បង្កើនការចូលរួម និងគាំទ្រដល់ការអនុវត្តន៍លទ្ធផលកម្មវិធីឱ្យមានប្រសិទ្ធភាព។ ស្មារតីក្រុម និងការពង្រឹងសមត្ថភាព កិច្ចប្រជុំបុគ្គលិកប្រចាំឆ្នាំ បានរៀបចំឱ្យមានសកម្មភាពជាច្រើន ដើម្បីបង្កើនភាពស្អិតរមួតរបស់ក្រុមការងារ និងពង្រឹងចំណេះដឹងអំពីកម្មវិធី ACCESS 2 ដែលសកម្មភាពទាំងនោះផ្តោតលើ៖ ពិនិត្យឡើងវិញនូវគោលដៅ សមិទ្ធផល និងមេរៀនដែលបានរៀនរបស់ ACCESS 2 ផ្តល់វគ្គបណ្តុះបណ្តាលរំលឹក អំពីកិច្ចការការពារសុវត្ថិភាព សមភាពយេនឌ័រ បរិយាបន្នពិការភាព និងសង្គម (GEDSI) បង្កើនការយល់ដឹងអំពីយន្តការវិមជ្ឈការ និងការគាំទ្រនៅថ្នាក់ក្រោមជាតិ លើកទឹកចិត្តដល់ការធ្វើការជាក្រុម និងកិច្ចសហការឱ្យកាន់តែរឹងមាំ ដើម្បីបង្កើនផលជះវិជ្ជមាននៃកម្មវិធី នៅក្នុងកិច្ចប្រជុំនេះដែរ បុគ្គលិកទាំងអស់បានចូលរួមយ៉ាងសស្រាក់សស្រាំនៅក្នុងសកម្មភាពនីមួយៗ ដែលផ្តល់ដោយអ្នកជំនាញរបស់យើង ដែលរួមចំណែកដល់ការយល់ដឹង និងពង្រឹងការរៀនសូត្ររួមគ្នា។ សកម្មភាពរៀនសូត្រទាំងនេះ ក៏មានការលេងជាល្បែងកម្សាន្តបែបលក្ខណៈរៀនសូត្រ ដើម្បីជួយលើកកម្ពស់កិច្ចសហការ និងពង្រឹងទំនាក់ទំនក្នុងក្រុមឱ្យកាន់តែស្អិតរមួត។ ការឆ្លុះបញ្ចាំងពីគណៈគ្រប់គ្រងកម្មវិធី លោកស្រី Sophia Cason ប្រធានក្រុមកម្មវិធី ACCESS 2 បានសម្តែងការកោតសរសើរចំពោះការប្តេជ្ញាចិត្ត ការខិតខំប្រឹងប្រែង និងជំនាញរបស់ក្រុមការងារ ដោយលោកស្រីបានកត់សម្គាល់ថា កិច្ចប្រជុំនេះបានផ្តល់ឱកាសឱ្យក្រុមការងារបានឆ្លុះបញ្ចាំងពីគោលបំណង ACCESS 2 ដែលសម្រេចបាន និងអ្វីដែលគួរបន្តខិតខំបន្ថែម។ នៅក្នុងសុន្ទរកថាបិទ លោក Sasha Cigljarevic អនុប្រធានកម្មវិធី ACCESS 2 បានបញ្ជាក់ពីសារៈសំខាន់នៃការធ្វើការជាក្រុម និងកិច្ចសហការក្នុងការសម្រេចបានលទ្ធផលកម្មវិធីកាន់តែរឹងមាំ ដោយលោកបានកត់សម្គាល់ថា កិច្ចប្រជុំនេះបានផ្តល់ឱកាសដ៏មានតម្លៃដល់បុគ្គលិកដើម្បីឆ្លុះបញ្ចាំង និងបង្កើនទំនាក់ទំនងការងារជាក្រុមរួមគ្នាឆ្ពោះទៅមុខ។ ការពង្រឹងការផ្តល់សេវារបស់កម្មវិធី តាមរយៈក្រុមការងារដែលរឹងមាំជាងមុន កិច្ចប្រជុំបុគ្គលិកប្រចាំឆ្នាំនេះ ជាការវិនិយោគលើសមត្ថភាពបុគ្គលិក និងកម្មវិធីផ្ទាល់ ដោយរួមចំណែកដល់លទ្ធផលនៃចុងបញ្ចប់កម្មវិធីប្រកបដោយចីរភាព។ កិច្ចប្រជុំនេះបានបញ្ចប់ដោយភាពរីករាយ ដោយបានបំពេញថាមពលឡើងវិញ និងការប្តេជ្ញាចិត្តរួមគ្នានៅទូទាំងកម្មវិធី៕

ការនាំយកសេវាកាន់តែមានបរិយាបន្ន ទៅកាន់មន្ទីរពេទ្យបង្អែកខេត្ត

រដ្ឋាភិបាលអូស្ត្រាលី តាមរយៈកម្មវិធី ACCESS 2 បន្តពង្រឹងការថែទាំសុខភាពនៅកន្លែងចាំបាច់បំផុត ដោយគាំទ្រដល់ការទទួលបានសេវា ប្រកបដោយបរិយាបន្ន និងមានមេត្តាករុណា សម្រាប់ជនពិការភាព និងជនរងគ្រោះដោយអំពើហិង្សាទាក់ទងនឹងយេនឌ័រ (GBV) នៅកម្ពុជា។ នៅក្នុងខែមករា ឆ្នាំ២០២៦ រដ្ឋាភិបាលអូស្ត្រាលី តាមរយៈកម្មវិធី ACCESS 2 បានគាំទ្រប្រព័ន្ធសុខាភិបាលខេត្ត ដើម្បីពង្រឹងសេវាស្តារលទ្ធភាពពលកម្ម។ ការគាំទ្រនេះរួមបញ្ចូលទាំងការផ្តល់នូវឧបករណ៍ព្យាបាលដោយចលនា ដល់មន្ទីរពេទ្យបង្អែកខេត្តសៀមរាប។ ក្រៅពីហេដ្ឋារចនាសម្ព័ន្ធ ភាពជាដៃគូនេះបន្តគាំទ្រដល់កន្លែងផ្តល់សេវាចម្រុះ (OSSUs) នៅខេត្តសៀមរាប រតនគិរី និងកំពង់ស្ពឺ ដោយលើកកម្ពស់វិធីសាស្រ្តថែទាំដែលមានលក្ខណៈបរិយាបន្ន និងផ្តោតលើប្រជាជនជាអាទិភាព។ គំនិតផ្តួចផ្តើមនេះ មានគោលបំណងរួមចំណែកពង្រឹងដល់គុណភាពថែទាំ ដោយនាំយកនូវសេវាចាំបាច់មកជាមួយគ្នានៅក្នុងទីតាំងតែមួយ។ ដូច្នេះជនរងគ្រោះ រួមទាំងស្រ្តី ក្មេងស្រី និងជនមានពិការភាព អាចទទួលបានសេវាប្រកបដោយការសម្របសម្រួល រក្សាការសម្ងាត់ និងផ្តោតលើជនរគ្រោះជាអាទិភាពឱ្យទាន់ពេលវេលា។ ពិធីប្រគល់ទទួលនេះធ្វើឡើងនៅក្នុងខេត្តគោលដៅ ដែលជាការកត់សម្គាល់នូវការធ្វើសមាហរណកម្មសេវាសំខាន់ៗ។ នៅក្នុងខេត្តសៀមរាប និងខេត្តកំពង់ស្ពឺ ឧបករណ៍ OSSU ចាំបាច់ ក៏ត្រូវបានប្រគល់ទៅដល់មន្ទីរពេទ្យបង្អែកផងដែរ។ ចំណែកនៅខេត្តរតនគិរី ការបង្កើតបន្ទប់ផ្តល់សេវាចម្រុះក៏ត្រូវបានសម្ពោធជាផ្លូវការ ក្រោមអធិបតីភាពលោកជំទាវអភិបាលរងខេត្ត និងដោយមានការចូលរួមពីសំណាក់តំណាងស្ថានទូតអូស្រ្តាលីប្រចាំនៅកម្ពុជា និងក្រុមការងារ ACCESS 2។ សំឡេងពីស្ថានទូតអូស្រ្តាលី មន្រ្តីរដ្ឋាភិបាល និងអ្នកទទួលផល លោកស្រី Tegan Park លេខាទី១នៃស្ថានទូតអូស្រ្តាលីប្រចាំទីក្រុងភ្នំពេញ បានកត់សម្គាល់ថា ព្រឹត្តិការណ៍ដ៏សំខាន់នេះ ឆ្លុះបញ្ចាំងពីការបេ្តជ្ញាចិត្តរួមគ្នាប្រកបដោយបរិយាបន្ន និងបានសង្កត់ធ្ងន់ពីសារសំខាន់នៃសេវាដែលមានសុវត្ថិភាព មេត្តាករុណា និងការសម្របសម្រួល ដែលលើកកម្ពស់សិទ្ធិមនុស្ស និងសេចក្តីថ្លៃថ្នូរ។ លោកជំទាវ ញាន ទិត្យចិន្ដា អភិបាលរងនៃគណៈអភិបាលខេត្តរតនគិរី បានគូសបញ្ជាក់ពីសារសំខាន់របស់OSSU ក្នុងការផ្តល់ការគាំទ្រទូលំទូលាយ សេចក្តីថ្លៃថ្នូរ និងរក្សាការសម្ងាត់សម្រាប់ជនរងគ្រោះដោយអំពើហិង្សាទាក់ទងនឹងយេនឌ័រ រួមទាំងការទទួលបានការថែទាំសុខភាព ជំនួយផ្លូវចិត្ត សេវាផ្នែកច្បាប់ និងការគាំទ្រសុវត្ថិភាពដោយគ្មានការរើសអើង។ សាស្ត្រចារ្យជំនួយ ប៉ែន ផលគុណ នាយកមន្ទីរពេទ្យបង្អែកខេត្តសៀមរាប បានសម្តែងការកោតសរសើរចំពោះកិច្ចសហការជាបន្តបន្ទាប់...

ការជំរុញសេវាថ្នាក់ក្រោមជាតិដែលមានបរិយាបន្នតាមរយៈកិច្ចសហការរបស់គណៈកម្មការសម្របសម្រួលខេត្ត

រដ្ឋាភិបាលអូស្ត្រាលី តាមរយៈកម្មវិធី ACCESS 2 បន្តពង្រឹងកិច្ចសហការជាមួយអាជ្ញាធរថ្នាក់ក្រោមជាតិ ដើម្បីលើកកម្ពស់គុណភាពសេវាសម្រាប់ជនមានពិការភាព ជនរងគ្រោះដោយអំពើហិង្សាទាក់ទងនឹងយេនឌ័រ (GBV) និងសហគមន៍ជនជាតិដើមភាគតិច។ (more…)

សួស្តីឆ្នាំថ្មី២០២៦!

ACCESS 2 ពង្រឹងការអនុវត្តន៍ការត្រួតពិនិត្យ វាយតម្លៃ និងរៀនសូត្រជាមួយដៃគូអនុវត្តយុទ្ធសាស្ត្រ (SIPs)

ការត្រួតពិនិត្យ វាយតម្លៃ និងរៀនសូត្រ (MEL) គឺជាផ្នែកសំខាន់មួយនៃការគ្រប់គ្រងនៅក្នុងកម្មវិធី ACCESS 2 ដែលគាំទ្រដល់ការទទួលខុសត្រូវ ការរៀនសូត្រ និងការរាយការណ៍ផ្អែកលើភស្តុតាង ស្របតាមស្តង់ដាររបាយការណ៍MEL របស់ស្ថានទូតអូស្រ្តាលី។ កាលពីថ្ងៃទី១៦ ដល់១៧ ខែធ្នូ ឆ្នាំ២០២៥ កម្មវិធី ACCESS 2 បានរៀបចំសិក្ខាសាលាបណ្តុះបណ្តាលរំលឹក ស្តីពីការត្រួតពិនិត្យ វាយតម្លៃ និងរៀនសូត្រ សម្រាប់ដៃគូអនុវត្តជាយុទ្ធសាស្រ្តរបស់ ACCESS 2 ។ សិក្ខាសាលានេះបានអញ្ជើញបុគ្គលិកផ្នែកគ្រប់គ្រងគម្រោង និងផ្នែក MEL ដែលជាដៃគូរបស់ ACCESS 2 មកចូលរួមនៅសណ្ឋាគារកាំបូឌីយ៉ាណា នៅទីក្រុងភ្នំពេញ។ សិក្ខាសាលានេះផ្តោតលើវិធីសាស្រ្តជាក់ស្តែងដើម្បីពង្រឹងគុណភាព និងភាពស៊ីសង្វាក់គ្នារបស់ MEL នៅទូទាំងក្រុមការងារតាមផ្នែក រួមមាន៖ ពង្រឹងមូលដ្ឋានគ្រឹះផ្នែក MEL និងការអនុវត្តន៍ទ្រឹស្តីនៃការផ្លាស់ប្តូរ និងក្របខ័ណ្ឌលទ្ធផលក្នុងការអនុវត្តន៍ការងារ បញ្ជាក់អំពីសូចនាករ ACCESS 2 និងដំណើរការរាយការណ៍រយៈពេលប្រាំមួយខែ និងការឆ្លុះបញ្ចាំងពីភាពស៊ីសង្វាក់គ្នារវាងសូចនាកររបស់ SIPs និងសូចនាកររបស់ ACCESS 2 ចែករំលែកការអនុវត្តន៍ MEL រួមទាំងការស្ទង់មតិពេញចិត្តរបស់អតិថិជនរបស់អង្គការ Exceed និងឆ្លុះបញ្ចាំងពីការធ្វើឱ្យប្រសើឡើងនូវយុទ្ធសាស្ត្ររបស់ ACCESS 2 កសាងជំនាញក្នុងការសរសេរក្រមប្រតិបត្តិការការងារ មានដូចជា ការសរសេរករណីសិក្សា និងតម្រូវការផ្នែកទំនាក់ទំនង និងការបោះពុម្ពផ្សាយ ការធ្វើផែនទីសកម្មភាព MEL សម្រាប់ខែមករាដល់ខែមិថុនា ឆ្នាំ២០២៦ និងការកំណត់ទីតាំងសម្រាប់កិច្ចសហការ រួមជាមួយនឹងការធ្វើបច្ចុប្បន្នភាពលើការវាយតម្លៃពាក់កណ្តាលគម្រោងនាពេលខាងមុខ សិក្ខាកាមបានគូសបញ្ជាក់ពីគុណតម្លៃជាក់ស្តែងនៃវគ្គបណ្តុះបណ្តាលនេះ។ លោកស្រី ថុន និធិ មន្ត្រីផ្នែក MEL នៃអង្គការ CARE Cambodia បាននិយាយថា៖ «វគ្គបណ្តុះបណ្តាលនេះ បានផ្តល់ឱ្យខ្ញុំនូវការយល់ដឹងកាន់តែច្បាស់អំពីគោលបំណងសំខាន់ៗនៃកម្មវិធី...

ACCESS 2 គាំទ្រដល់យុទ្ធនាការ១៦ថ្ងៃ បញ្ឈប់អំពើហិង្សាទាក់ទងនឹងយេនឌ័រនៅថ្នាក់ក្រោមជាតិ

យុទ្ធនាការ១៦ថ្ងៃបញ្ឈប់អំពើហិង្សាទាក់ទងនឹងយេនឌ័រ (GBV) ត្រូវបានប្រារព្ធឡើងជាសកលជារៀងរាល់ឆ្នាំ ដើម្បីអំពាវនាវដល់មនុស្សគ្រប់រូប ឱ្យចាត់វិធានការដើម្បីបញ្ឈបប់អំពើហិង្សាលើស្ត្រី និងក្មេងស្រី។ ប្រធានបទសកលសម្រាប់ឆ្នាំនេះគឺ «រួបរួមគ្នាដើម្បីបញ្ឈប់អំពើហិង្សាតាមបច្ចេកវិទ្យាឌីជីថលលើស្ត្រី និងក្មេងស្រី» គូសបញ្ជាក់ថា អំពើហិង្សាអាចកើតឡើងទាំងក្រៅបណ្តាញ និងអនឡាញ ហើយការទប់ស្កាត់ និងការគាំទ្រត្រូវតែបន្តទៅមុខទៀត។ ក្នុងអំឡុងពេលនៃយុទ្ធនាការនេះ រដ្ឋាភិបាលអូស្ត្រាលី តាមរយៈកិច្ចសហប្រតិបត្តិការអូស្ត្រាលី-កម្ពុជា ដើម្បីសេវាប្រកបដោយនិរន្តរភាព និងសមធម៌ - ដំណាក់កាលទី២ (ACCESS 2) បានគាំទ្រយុទ្ធនាការនៅសហគមន៍រយៈពេល១៦ថ្ងៃ នៅក្នុងខេត្តគោលដៅ។ ជាក់ស្តែងនៅថ្ងៃទី៩ ខែធ្នូ ឆ្នាំ២០២៥ យើងបានគាំទ្រយុទ្ធនាការនៅស្រុកឱរ៉ាល់ ខេត្តកំពង់ស្ពឺ ដោយអំពាវនាវឱ្យមានសកម្មភាពរួមដើម្បីបញ្ឈប់អំពើហិង្សាទាក់ទងនឹងយេនឌ័រ។ ព្រឹត្តិការណ៍នេះបានអញ្ជើញអ្នកចូលរួមចំនួន១២០នាក់ រួមទាំងសិស្ស គ្រូបង្រៀន ជនមានពិការភាព ជនជាតិដើមភាគតិច ដៃគូអនុវត្តជាយុទ្ធសាស្ត្ររបស់ ACCESS 2 (SIPs) និងអាជ្ញាធរមូលដ្ឋាន។ ការពិភាក្សាផ្តោតលើប្រភេទនៃអំពើហិង្សាគ្រប់ រួមទាំងអំពើហិង្សាទាក់ទងនឹងយេនឌ័រតាមបច្ចេកវិទ្យា(TF-GBV) និងវិធីសាស្រ្តក្នុងការរាយការណ៍ និងការទទួលបានសេវាគាំទ្រ។ សារស្តីពីសុខភាព សុវត្ថិភាព និងយុត្តិធម៌ត្រូវបានពង្រឹងដោយអ្នកផ្តល់សេវា និងអាជ្ញាធរមូលដ្ឋាន។ លោក ជា ហ៊ីម ប្រធានមណ្ឌលសុខភាពជាស៊ីមឱរ៉ាល់ បានលើកទឹកចិត្តដល់ជនរងគ្រោះឱ្យស្វែងរកការថែទាំ និងការគាំទ្រ ដោយលោកបានមានប្រសាសន់៍ថា​៖ «ខ្ញុំសូមលើកទឹកចិត្តអ្នកជំងឺទាំងអស់ រួមទាំងជនរងគ្រោះដោយអំពើហិង្សា ឱ្យស្វែងរកការគាំទ្រពីមណ្ឌលសុខភាព។ សូមនិយាយចេញមក ហើយកុំស្ទាក់ស្ទើរក្នុងការចែករំលែកកង្វល់របស់អ្នក។ សុខភាពគឺមានសារៈសំខាន់ណាស់សម្រាប់មនុស្សគ្រប់រូប»។ អ្នកចូលរួមម្នាក់បានចែករំលែកថា៖ «ការរៀបចំការពិភាក្សានេះគឺល្អណាស់។ ខ្ញុំបានរៀនសូត្រអំពីទម្រង់ជាច្រើននៃអំពើហិង្សាពីវគ្គនេះ។ ឥឡូវនេះខ្ញុំយល់ពីអ្វីដែលជាអំពើហិង្សាតាមបច្ចេកវិទ្យាឌីជីថល ហើយវាអាចងាយប៉ះពាល់ដល់យើង។ លើសពីនេះ យើងដឹងថាយើងអាចទាក់ទងអ្នកផ្តល់សេវាសម្រាប់ការគាំទ្រ តាមរយៈការចែករំលែរបស់វាគ្មិន»។ លោកអន យុទ្ធហុង អធិការរងស្រុកឱរ៉ាល់ បានគូសបញ្ជាក់ពីវិធីរាយការណ៍ និងការគាំទ្រក្នុងមូលដ្ឋានថា៖ «ប្រសិនបើអ្នកជួបប្រទះអំពើហិង្សាណាមួយ សូមទាក់ទងមកខ្ញុំ ឬទាក់ទងអាជ្ញាធរមូលដ្ឋានដែលនៅក្បែរនោះ»។ លោកស្រី ប៉ឹង កល្យាណ មេធាវីជាមួយអង្គការជំនួយផ្នែកច្បាប់ បានគូសបញ្ជាក់ពីអំពីសិទ្ធិ និងការទទួលបានយុត្តិធម៌។ លោកស្រីបានមានប្រសាសន៍ថា៖ «បំបែករនាំងឧបសគ្គនៃទំនៀមទំលាប់យេនឌ័រ។...

អបអរសាទរទិវាជនពិការភាពជាតិ និងអន្តរជាតិ នៅខេត្តកំពង់ស្ពឺ

ទិវាជនពិការភាពអន្តរជាតិ ត្រូវបានប្រារព្ធឡើងជារៀងរាល់ឆ្នាំ ដើម្បីលើកកម្ពស់សិទ្ធិ សុខុមាលភាព និងការចូលរួមពេញលេញរបស់ជនមានពិការភាព។ នៅកម្ពុជា ទិវាជនមានពិការភាពជាតិ ក៏ទទួលស្គាល់ពីវឌ្ឍនភាពដែលបានអនុវត្តន៍ និងបញ្ហាប្រឈមដែលកំពុងជួបប្រទះដោយជនមានពិការភាព និងគាំទ្រសកម្មភាពបន្តសម្រាប់បរិយាបន្នសង្គម។ កាលពីថ្ងៃទី១១ ខែធ្នូ ឆ្នាំ២០២៥ រដ្ឋាភិបាលអូស្ត្រាលី តាមរយៈកិច្ចសហប្រតិបត្តិការអូស្ត្រាលី-កម្ពុជា ដើម្បីសេវាប្រកបដោយនិរន្តរភាព និងសមធម៌-ដំណាក់កាលទី២ (ACCESS 2) បានគាំទ្រទិវាជនមានពិការភាពអន្តរជាតិលើកទី៤៣ និងទិវាជនមានពិការភាពជាតិលើកទី២៧ នៅខេត្តកំពង់ស្ពឺ ក្រោមប្រធានបទ៖ «លើកកម្ពស់សង្គមដែលមានបរិយាបន្នពិការភាព ដើម្បីជំរុញវឌ្ឍនភាពសង្គម»។ ទិវានេះបានពង្រឹងថា បរិយាបន្នពិការភាពគឺជាការទទួលខុសត្រូវរួមគ្នា ដែលតម្រូវឱ្យមានកិច្ចសហការរវាងរដ្ឋាភិបាល អ្នកផ្តល់សេវា និងអ្នកពាក់ព័ន្ធក្នុងសហគមន៍ ដើម្បីឱ្យជនពិការភាពអាចចូលរួមដោយស្មើភាពគ្នា ទទួលបានសេវាគាំទ្រ និងសំឡេងរបស់ពួកគេត្រូវបានទទួលស្គាល់។ គោលបំណងនៃទិវានេះគឺ៖ លើកកម្ពស់ការប្រារព្ធទិវាជាតិ និងអន្តរជាតិប្រកបដោយអត្ថន័យ និងបរិយាបន្ន ក្នុងការពង្រឹងបរិយាបន្នជនពិការភាព និងគំនិតផ្តួចផ្តើមដែលដឹកនាំដោយសហគមន៍ បង្កើនការយល់ដឹងក្នុងចំណោមអាជ្ញាធរមូលដ្ឋាន អ្នកផ្តល់សេវា និងសាធារណជនអំពីសិទ្ធិ និងសមត្ថភាពរបស់ជនមានពិការភាព ពង្រឹងសមត្ថភាព និងតួនាទីជាអ្នកដឹកនាំរបស់ក្រុមប្រឹក្សាសកម្មភាពជនពិការខេត្ត (PDAC) នៅខេត្តកំពង់ស្ពឺ ដើម្បីសម្របសម្រួលសកម្មភាពទាក់ទងនឹងជនមានពិការភាព សម្រួលដល់ការទទួលបានកម្មវិធីជាតិជំនួយសង្គមសំខាន់ៗ សេវាសុខភាព និងសេវាស្តារលទ្ធភាពពលកម្មសម្រាប់ជនមានពិការភាព និងក្រុមគ្រួសាររបស់ពួកគេ ចំណុចសំខាន់ៗដែលបានគូសបញ្ជាក់ ជាផ្នែកមួយនៃកម្មវិធី តំណាងមកពីមន្ទីរសង្គមកិច្ច អតីតយុទ្ធជន និងយុវនីតិសម្បទា មន្ទីរកិច្ចការនារីខេត្ត និងអង្គការតំណាងជនមានពិការភាព (OPD) បានចែករំលែកព័ត៌មានអំពីសេវា និងការគាំទ្រចាំបាច់ដែលមាននៅក្នុងខេត្តកំពង់ស្ពឺ។ ក្រុមការងារក៏បានគូសបញ្ជាក់ពីគំនិតផ្តួចផ្តើមជាក់ស្តែងរួមមាន៖ កម្មវិធីកំណត់អត្តសញ្ញាណកម្មជនមានពិការភាពតាមគំរូសង្គម គំនិតផ្តួចផ្តើមសម្រាប់ការបង្កលក្ខណងាយស្រួលសម្រាប់ជនមានពិការភាព បន្ទប់ប្រឹក្សាយោបល់ដែលអាចគាំទ្រដល់ជនរងគ្រោះ រួមទាំងស្ត្រីមានពិការភាពដែលរងគ្រោះដោយអំពើហិង្សាទាក់ទងយេនឌ័រ នៅក្នុងសុន្ទរកថាបើករបស់លោកជំទាវ គា សុខភូ អភិបាលរងនៃគណៈខេត្តកំពង់ស្ពឺ បានទទួលស្គាល់កិច្ចខិតខំប្រឹងប្រែងរបស់ក្រុមប្រឹក្សាសកម្មភាពជនពិការខេត្ត មន្ទីរពាក់ព័ន្ធ និង OPDs ក្នុងការពង្រឹងវិស័យពិការភាពនៅក្នុងខេត្ត។ លោកជំទាវក៏បានសម្តែងការកោតសរសើរចំពោះរដ្ឋាភិបាលអូស្ត្រាលី តាមរយៈ ACCESS 2 សម្រាប់ការគាំទ្រជាបន្តបន្ទាប់ដល់ជនមានពិការនៅកម្ពុជា។ លោកស្រី Sophia Cason ប្រធានក្រុមកម្មវិធី ACCESS 2...

ចូលរួមជាមួយយើងដើម្បីបញ្ឈប់អំពើហិង្សា៖ ACCESS 2 ប្រារព្ធយុទ្ធនាការ១៦ថ្ងៃបញ្ឈប់អំពើហិង្សាទាក់ទងនឹងយេនឌ័រ

យុទ្ធនាការ១៦ថ្ងៃបញ្ឈប់អំពើហិង្សាទាក់ទងនឹងយេនឌ័រ (GBV) ត្រូវបានគេប្រារព្ធឡើងអស់រយៈពេលជាងបីទសវត្សរ៍មកហើយ ដើម្បីបង្កើនការយល់ដឹងរបស់សាធារណជន ជម្នះនឹងអាកប្បកិរិយារើសអើង និងអំពាវនាវឱ្យបញ្ឈប់អំពើហិង្សាលើស្ត្រីនៅទូទាំងពិភពលោក។ ប្រធានបទយុទ្ធនាការជាសកលសម្រាប់ឆ្នាំនេះគឺ «រួមគ្នាដើម្បីបញ្ឈប់អំពើហិង្សាតាមបច្ចេកវិទ្យាឌីជីថលលើស្ត្រី និងក្មេងស្រី»។ ប្រធានបទនេះគឺជាការរំលឹកថា ការបញ្ឈប់អំពើហិង្សាលើស្ត្រីគឺមានសារៈសំខាន់ ដើម្បីឱ្យស្ត្រី និងក្មេងស្រីអាចសម្រេចបាននូវសក្តានុពលពេញលេញ រួមទាំងសក្តានុពលតាមប្រព័ន្ធអ៊ីនធឺណិត និងក្នុងវិស័យឌីជីថល។ វាក៏ពង្រឹងផងដែរថា វឌ្ឍនភាពទាមទារឱ្យមានសកម្មភាពរួមប្រកបដោយចីរភាពពេញមួយឆ្នាំ។ នៅថ្ងៃទី៨ ខែធ្នូ ឆ្នាំ២០២៥ កម្មវិធីសហប្រតិបត្តិការអូស្ត្រាលី-កម្ពុជា ដើម្បីសេវាប្រកបដោយនិរន្តរភាព និងសមធម៌ ដំណាក់កាលទី ២ (ACCESS 2) បានរៀបចំយុទ្ធនាការសម្រាប់បុគ្គលិកនៅការិយាល័យកណ្តាលនៃទីក្រុងភ្នំពេញ ដើម្បីរំលឹកដល់យុទ្ធនាការនេះ។ កម្មវិធីនេះបានបញ្ជាក់ជាថ្មីនូវការប្តេជ្ញាចិត្តរួមគ្នារបស់យើង ក្នុងការចូលរួមទប់ស្កាត់អំពើហិង្សាទាក់ទងនឹងយេនឌ័រ​ ឱ្យទទួលបានសេវាប្រកបដោយគុណភាព សុវត្ថិភាព និងបរិយាបន្ន សម្រាប់ស្ត្រីជាជនរងគ្រោះ និងស្រ្តី និងក្មេងស្រីរងគ្រោះដែលមានពិការភាពផងដែរ។ ព្រឹត្តិការណ៍នេះក៏បានគូសបញ្ជាក់ពីតួនាទីដ៏សំខាន់របស់បុរសក្នុងការបញ្ឈប់អំពើហិង្សាទាក់ទងនឹងយេនឌ័រ។ យើងមានវាគ្មិនកិត្តិយសពីររូបបានចែករំលែកនូវយុទ្ធសាស្ត្រ និងសម្របសម្រួលការពិភាក្សាអំពីទម្រង់ផ្សេងៗនៃអំពើហិង្សា ឫសគល់នៃអំពើហិង្សា និងវិធីសាស្រ្តដើម្បីកាត់បន្ថយអំពើហិង្សាលើស្ត្រី និងក្មេងស្រី។ អ្នកចូលរួមបានចូលរួមចែករំលែកយ៉ាងសកម្មតាមទស្សនៈរៀងៗខ្លួន និងកន្លែងធ្វើការ ដើម្បីចូលរួមលុបបំបាត់អំពើហិង្សាលើស្ត្រី និងក្មេងស្រី។ រដ្ឋាភិបាលអូស្ត្រាលី តាមរយៈកម្មវិធី ACCESS 2 បានគាំទ្រយុទ្ធនាការ១៦ថ្ងៃ ដែលដឹកនាំដោយក្រសួងកិច្ចការនារី អស់រយៈពេលជាច្រើនឆ្នាំ។ ក្នុងអំឡុងពេលយុទ្ធនាការ១៦ថ្ងៃ ACCESS 2 ក៏ចែករំលែកនូវមាតិការ ក្នុងការលើកកម្ពស់ការយល់ដឹងតាមរយៈប្រព័ន្ធផ្សព្វផ្សាយសង្គម និងគេហទំព័ររបស់ACCESS 2 ដោយបង្ហាញពីសេវាគាំទ្រដល់ជនរងគ្រោះ ទាំងមាន និងមិនមានពិការភាព។ មនុស្សគ្រប់រូបមានតួនាទីក្នុងការចូលរួមចំណែកដល់កិច្ចខិតខំប្រឹងប្រែងជាសកលដើម្បីលុបបំបាត់អំពើហិង្សាលើស្ត្រី និងក្មេងស្រី។ យើងទាំងអស់គ្នាទទួលបានអត្ថប្រយោជន៍ពីសហគមន៍ដែលមានសុវត្ថិភាពជាងមុន ហើយយើងសូមលើកទឹកចិត្តមនុស្សគ្រប់រូប រួបរួមគ្នាដើម្បីបញ្ឈប់អំពើហិង្សាលើស្ត្រី និងក្មេងស្រី។ ACCESS 2 ត្រូវបានផ្តល់មូលនិធិដោយរដ្ឋាភិបាលអូស្ត្រាលី និងគ្រប់គ្រងដោយ Abt Global៕

ចែករំលែកការសិក្សារស្វែងយល់វាងខេត្តកំពង់ចាម និងស្ទឹងត្រែង ដើម្បីពង្រឹងការឆ្លើយតបអំពើហិង្សាទាក់ទងនឹងយេនឌ័រ

ការពង្រឹងមុខងាររបស់ក្រុមការងារឆ្លើយតបអំពើហិង្សាទាក់ទងនឹងយេនឌ័រនៅថ្នាក់ខេត្ត (GBV RWGs) គឺជាអាទិភាពចម្បងសម្រាប់ ACCESS 2។ ក្រុមការងារទាំងនេះ ជួយសម្របសម្រួលសេវាឆ្លើយតបជាពហុវិស័យសម្រាប់ស្ត្រី និងក្មេងស្រីដែលរងគ្រោះដោយអំពើហិង្សា ដោយគាំទ្រដល់កិច្ចខិតខំប្រឹងប្រែងថ្នាក់ជាតិកម្ពុជាក្នុងការទប់ស្កាត់ និងឆ្លើយតបទៅនឹងអំពើហិង្សាទាក់ទងនឹងយេនឌ័រ។ ចាប់ពីថ្ងៃទី២០ ដល់២១ ខែវិច្ឆិកា ឆ្នាំ២០២៥ កម្មវិធី ACCESS 2 ដែលទទួលបានមូលនិធិពីរដ្ឋាភិបាលអូស្ត្រាលី បានសហការជាមួយគណៈកម្មការសម្របសម្រួលថ្នាក់ខេត្តកំពង់ចាម ដើម្បីរៀបចំដំណើរទស្សនកិច្ចសិក្សាសម្រាប់ GBV RWG ខេត្តកំពង់ចាម ទៅកាន់ខេត្តស្ទឹងត្រែង។ ដំណើរទស្សនកិច្ចសិក្សានេះមានអ្នកចូលរួមប្រមាណ៩០នាក់ រួមទាំងថ្នាក់ដឹកនាំខេត្ត មន្ទីរពាក់ព័ន្ធ តំណាងអង្គការមិនមែនរដ្ឋាភិបាល និងសមាជិក GBV RWG ថ្នាក់ស្រុក។ គោលបំណងនៃដំណើរទស្សនកិច្ចសិក្សា ដំណើរទស្សនកិច្ចសិក្សានេះមានគោលបំណង៖ ចែករំលែកបទពិសោធន៍ជាក់ស្តែង និងវិធីសាស្រ្តប្រកបដោយប្រសិទ្ធភាពក្នុងការគាំទ្រដល់ជនរងគ្រោះនៃអំពើហិង្សាទាក់ទងនឹងយេនឌ័រ ពិនិត្យមើលប្រតិបត្តិការរបស់កន្លែងផ្តល់សេវាចម្រុះ(OSSU) ពង្រឹងការយល់ដឹងអំពីយន្តការសម្របសម្រួលដែលអាចឱ្យមានការបញ្ជូន និងការឆ្លើយតបទាន់ពេលវេលា និងមានសុវត្ថិភាពជាងមុន អ្វីដែលអ្នកចូលរួមបានស្វែងយល់ ភាពជាអ្នកដឹកនាំ និងការសម្របសម្រួលខេត្ត៖ អ្នកចូលរួមបានជួបជាមួយអភិបាលខេត្ត ដោយបានពិភាគ្សាអំពីសាស្រ្តនិរន្តរភាពក្នុងភាពជាអ្នកដឹកនាំ ក្នុងការឆ្លើយតបទៅនឹងអំពើហិង្សាទាក់ទងនឹងយេនឌ័រ ឱ្យកាន់តែសកម្ម ដោយមានការសម្របសម្រួល និងទទួលខុសត្រូវ។ ការផ្តល់សេវានៅកម្រិតថ្នាក់ស្រុកជាមួយដៃគូ ដំណើរទស្សនកិច្ចទៅកាន់ ADRA (Adventist Development and Relief Agency) នៅក្នុងស្រុកសេសាន បានបង្ហាញពីវិធីសាស្រ្តដែលដៃគូអង្គការមិនមែនរដ្ឋាភិបាលអាចធ្វើការជាមួយ GBV RWGs ក្នុងស្រុក ដើម្បីផ្តល់សេវាចម្រុះកាន់តែច្រើន រួមទាំងនៅក្នុងសហគមន៍ជនបទ និងជនជាតិដើមភាគតិច។ ចំណុចសំខាន់ៗសម្រាប់ការអនុវត្តន៍ វិធីសាស្រ្តសមស្របនឹងវប្បធម៌គឺមានសារៈសំខាន់៖ ក្រមសីលធម៌ និងសេវាសម្រាប់សហគមន៍ជនជាតិភាគតិច ដំណើរការបានល្អបំផុតនៅពេលដែលត្រូវបានតាក់តែងឡើងដោយគិតគូរពីបទដ្ឋានក្នុងតំបន់ និងបរិបទសហគមន៍។ ការរក្សាការសម្ងាត់គួរតែត្រូវបានបង្កើតឡើង៖ បរិក្ខារកន្លែងផ្តល់សេវាចម្រុះ (OSSU) គួរតែជៀសវាងការកំណត់អត្តសញ្ញាណផ្លាកសញ្ញាដែលវាអាចឱ្យមានការមាក់ងាយ ឬហានិភ័យ ដើម្បីជួយការពារភាពឯកជនរបស់ជនរងគ្រោះ។ បង្កើនពេលវេលាទៅរកសេវា៖ កម្មវិធីយល់ដឹងនៅពេលល្ងាច អាចមានប្រសិទ្ធភាពសម្រាប់ការចូលរួមពីបុរស ដែលពួកគាត់មិនអាចចូលរួមបាននៅកម្មវិធីពេលរសៀល។ ពង្រឹងលទ្ធផលតាមរយៈអភិបាលកិច្ចដែលមានបរិយាបន្ន៖ គណៈកម្មាធិការគ្រប់គ្រងសហគមន៍ចម្រុះជួយពង្រីកតំណាងរបស់ខ្លួន និងភាពជាម្ចាស់នៅក្នុងតំបន់។ ...