កម្មវិធីសហប្រតិបត្តិការអូស្រ្តាលី-កម្ពុជាដើម្បីការផ្តល់សេវាប្រកបដោយនិរន្តរភាព និងសមធម៌ - ដំណាក់កាលទី២ (ACCESS 2)
កិច្ចប្រជុំនេះនឹងរៀបចំជារៀងរាល់ខែ។ ថ្ងៃទី២ ខែមករា ដល់ថ្ងៃទី២០ ខែឧសភា ឆ្នាំ២០២៦ នៅស្រុកអណ្តូងមាស បានលុង បាគៀវ កូនមុំ លំផាត់ អូជុំ អូយ៉ាងដាវ តាវែង វ៉ើនសៃ ខេត្តរតនគិរី
ថ្ងៃទី១៣ ខែសីហា ឆ្នាំ២០២៥ ទីតាំង៖ សាលាខេត្តសៀមរាប ដឹកនាំកិច្ចប្រជុំដោយ៖ ក្រុមការងារ ACCESS 2 (more…)
ថ្ងៃទី៨ ខែឧសភា ឆ្នាំ២០២៥ ទីតាំង៖ នៅខេត្តរតនគិរី ដឹកនាំកិច្ចប្រជុំដោយ៖ កម្មវិធី ACCESS 2 គាំទ្រកិច្ចប្រជុំដោយ៖ រដ្ឋាភិបាលអូស្រ្តាលី តាមរយៈកម្មវិធី ACCESS 2 សេចក្តីប្រកាសពីកិច្ចប្រជុំឆ្លុះបញ្ចាំងប្រចាំឆ្នាំ ACCESS 2 មានក្តីសោមនស្សរីករាយ ក្នុងការប្រកាសពី វគ្គបណ្តុះបណ្តាលរម្លឹក ស្តីពីគោលការណ៍កិច្ចការពារសុវត្តិភាព (ការទប់ស្កាត់ការកេងប្រវ័ញ្ច ការរំលោភបំពាន និងការបៀតបៀនផ្លូវភេទ កិច្ចការពារកុមារ) ការគ្រប់គ្រងការក្លែងបន្លំ និងអំពើពុករលួយ និងគោលការណែនាំផ្នែកទំនាក់ទំនង។ ព្រឹត្តិការណ៍នេះ នឹងមានការអញ្ជើញចូលរួមពីសំណាក់មន្រ្តីបង្គោលតំណាងសមភាគីរដ្ឋាភិបាលនៅថ្នាក់ជាតិ ថ្នាក់ក្រោមជាតិ និងដៃគូអនុវត្តជាយុទ្ធសាស្រ្តរបស់ ACCESS 2 ។ ទិដ្ឋភាពរួមនៃកិច្ចប្រជុំ គោលបំណងនៃវគ្គបណ្តុះបណ្តាល៖ នៅចុងបញ្ចប់វគ្គនេះ អ្នកចូលរួមនឹង៖ យល់កាន់តែច្បាស់អំពីវិធានការនៃកិច្ចការពារសុវត្ថិភាព, គ្រប់គ្រងការក្លែងបន្លំ និងរបៀបរាយការណ៍អំពីករណីរកើតឡើង រួមទាំងតួនាទី ភារកិច្ចនៃការរាយការណ៍ ពេលវេលាដែលត្រូវរាយការណ៍ និងការឆ្លើយតបចំពោះករណី។ យល់កាន់តែច្បាស់អំពីគោលនយោបាយនានារបស់ម្ចាស់ជំនួយទាក់ទងការគ្រប់គ្រងមូលនិធិ។ រៀបផែនការនឹងកែសម្រួលគោលនយោបាយការពារសុវត្ថិភាពរបស់ស្ថាប័ន រួមទាំងការគ្រប់គ្រប់នូវការក្លែងបន្លំ។ រៀបចំផែនការនឹងបន្តការបណ្តុះបណ្តាលនេះទៅដល់បុគ្គលិកផ្សេងទៀតនៅក្នុងស្ថាប័នរបស់ខ្លួន។ អ្នកចូលរួម៖ ព្រឹត្តិការណ៍នេះ នឹងមានការអញ្ជើញចូលរួមពីសំណាក់បុគ្គលិកចំនួន២៥នាក់ រួមមាន៖ មន្រ្តីបង្គោលតំណាងសមភាគីរដ្ឋាភិបាលនៅថ្នាក់ជាតិ ថ្នាក់ក្រោមជាតិ និងដៃគូអនុវត្តជាយុទ្ធសាស្រ្តរបស់ ACCESS 2 យើងទន្ទឹងរង់ចាំចែករំលែកនូចំណេះដឹង និងពិភាក្សាជាមួយគ្នា ដើម្បីបង្កើនការអនុវត្តន៍សកម្មភាពរបស់គាត់ឱ្យកាន់តែប្រសើរ៕
ថ្ងៃទី៥ ដល់ទី៦ ខែមិថុនា ឆ្នាំ២០២៥ ទីតាំង៖ សណ្ឋាគារកាំបូឌីយ៉ាណា រាជធានីភ្នំពេញ រៀបចំសិក្ខាសាលាដោយ៖ ACCESS 2 (more…)
កិច្ចប្រជុំនាពេលខាងមុខ គណៈកម្មការសម្របសម្រួល របស់កម្មវិធី ACCESS 2 កម្មវិធី ACCESS 2 មានក្តីសោមនស្សរីករាយក្នុងការប្រកាសពីកិច្ចប្រជុំគណៈកម្មការសម្របសម្រួលថ្នាក់ខេត្ត ដែលនឹងកើតឡើងជាបន្តបន្ទាប់នាពេលខាងមុខ នៅទូទាំងខេត្តគោលដៅរបស់ ACCESS 2។ កិច្ចប្រជុំនេះ នឹងនាំដៃគូអនុវត្តជាយុទ្ធសាស្រ្ត អជ្ញាធរថ្នាក់ក្រោមជាតិ និងដៃគូអភិវឌ្ឍ ដើម្បីពិនិត្យមើលពីវឌ្ឍនភាព ពង្រឹងការសម្របសម្រួល និងផែនការសម្រាប់ឆ្នាំខាងមុខ។ (more…)
ថ្ងៃទី៦ ខែសីហា ឆ្នាំ២០២៥ ទីតាំង៖ សាលាខេត្តកំពង់ចាម ទិដ្ឋភាពរួមនៃកិច្ចប្រជុំ៖ ACCESS 2 មានក្តីសោមនស្សរីករាយ ក្នុងការរៀបចំកិច្ចប្រជុំលើកទី៣ របស់គណៈកម្មការសម្របសម្រួល ជាមួយដៃគូអនុវត្តជាយុទ្ធសាស្រ្ត និងជនបង្គោលរបស់ ACCESS 2 នៅថ្នាក់ក្រោមជាតិ នៅខេត្តកំពង់ចាម។ គោលបំណង៖ បទបង្ហាញសេចក្តីសង្ខេបស្តីពីសមិទ្ធផលសំខាន់ៗដែលដៃគូជាយុទ្ធសាស្ត្រនៃកម្មវិធី ACCESS 2បានទទួល រយៈពេល១ឆ្នាំកន្លងមក។ បទបង្ហាញអំពីផែនការរួមនៃសកម្មភាពប្រចាំឆ្នាំ ខែកក្តដា២០២៥ ដល់ ខែមិថុនា២០២៦ ក្នុងខេត្តកំពង់ចាម អនុម័តផែនការរួមនៃសកម្មភាពប្រចាំឆ្នាំ ខែកក្តដា២០២៥ ដល់ ខែមិថុនា ឆ្នាំ២០២៦ កំណត់ចំណុចសក្តានុពលនៃការសហការគ្នារវាងវិស័យពាក់ព័ន្ធនៅក្នុងត្រីមាសខាងមុខ ជំហានបន្ត អ្នកចូលរួម៖ យើងមានកិត្តិយសដែលបានអញ្ជើញ អ្នកចូលរួមដែលជាតំណាងមកពី៖ ជនបង្គោល ដែលជាមន្រ្តីរដ្ឋាភិបាលនៅថ្នាក់ក្រោមជាតិ ដៃគូអនុវត្តជាយុទ្ធសាស្រ្ត មានដូចជា៖ អង្គការចិត្តសង្គមអន្តរវប្បធម៌ (TPO) អង្គការជំនួយផ្នែកច្បាប់នៃកម្ពុជា (LAC) អង្គការកម្ពុជាដើម្បីជួយស្រ្តីមានវិបត្តិ (CWCC) មូលនិធិសហប្រជាជាតិសម្រាប់ប្រជាជន/ការិយាយល័យភ្នាក់ងារសហប្រជាជាតិលើកកម្ពស់សមភាពយេនឌ័រ និងផ្តល់ភាពអង់អាចដល់ស្រ្តី (UNFPA/UN Women) អង្គការសកម្មភាពប្រជាជនដើម្បីការអភិវឌ្ឍន៍ប្រកបដោយបរិយាបន្ន (PAfID) អង្គការ UNICEF និងអង្គការ HI តំណាងស្ថានទូតអូស្រ្តាលីប្រចាំនៅកម្ពុជា និងក្រុមការងារកម្មវិធី ACCESS 2 ចំនួនអ្នកចូលរួមដែលបានគ្រោងទុក៖ ប្រមាណ៣០នាក់
ថ្ងៃទី១៧ មិថុនា ឆ្នាំ២០២៥ ទីតាំង៖ មន្ទីរពេទ្យបង្អែកខេត្តកំពង់ចាម សហរៀបចំពិធីសម្ពោធដោយ៖ អង្គការ HI មន្ទីរពេទ្យបង្អែកខេត្តកំពង់ចាម និងកម្មវិធីសហប្រតិបត្តិការអូស្រ្តាលី-កម្ពុជា ដើម្បីការផ្តល់សេវាប្រកបដោយនិរន្តរភាព និងសមធម៌ - ដំណាក់កាលទី ២ (ACCESS 2) (more…)
ថ្ងៃទី៣ មិថុនា ឆ្នាំ២០២៥ ទីតាំង៖ សណ្ឋាគារកាំបូឌីយ៉ាណា រាជធានីភ្នំពេញ រៀបចំសិក្ខាសាលាដោយ៖ ACCESS 2 ទិដ្ឋភាពរួមនៃកិច្ចប្រជុំ៖ ACCESS 2 មានក្តីសោមនស្សរីករាយ ក្នុងការរៀបចំសិក្ខាសាលាស្តីពី ការរៀបចំផែនការរួមប្រចាំឆ្នាំ សម្រាប់ក្រុមការងារផ្នែកបរិយាបន្នពិការភាព និងស្តារលទ្ធភាពពលកម្មរបស់ ACCESS 2។ សិក្ខាសាលានេះបានពាំនាំអ្នកជំនាញរបស់កម្មវិធី ACCESS 2 ដៃគូអនុវត្តជាយុទ្ធសាស្រ្តផ្នែកបរិយាបន្នពិការភាព និងស្តារលទ្ធភាពពលកម្ម ចូលរួមឆ្លុះបញ្ចាំង និងគាំទ្រដល់ការអភិវឌ្ឍន៍ផែនការរួមប្រចាំឆ្នាំ ដើម្បីឆ្លើយតបកាន់តែប្រសើរដល់អ្នកទទួលផល និងអនុលោមតាមអាទិភាពរបស់រាជរដ្ឋាភិបាល។ គោលបំណង៖ គោលបំណងចម្បងនៃសិក្ខាសាលានេះគឺ ១. ដើម្បីឆ្លុះបញ្ចាំងពីការងាររបស់យើងដែលបានអនុវត្តកាលពីឆ្នាំមុន ខែកក្កដា ឆ្នាំ២០២៤ ដល់ខែមិថុនា ឆ្នាំ២០២៥ ដើម្បីគាំទ្រដល់ការបង្កើតផែនការការងារប្រចាំឆ្នាំឆ្នាំទី៣ របស់យើង ខែកក្កដា ឆ្នាំ២០២៥ ដល់ខែមិថុនា ឆ្នាំ២០២៦ ដើម្បីឆ្លើយតបកាន់តែប្រសើរ ចំពោះអាទិភាពរបស់អ្នកទទួលផល និងស្របតាមអាទិភាពរបស់រដ្ឋាភិបាល។ ២. ដើម្បីកំណត់ផ្នែកនៃភាពស៊ីសង្វាក់គ្នា សម្រាប់ផែនការការងារប្រចាំឆ្នាំទី៣ ដែលនឹងមកដល់ ហើយបានយល់ព្រមលើប្រធានបទសំខាន់ៗដែលត្រូវដោះស្រាយរួមគ្នា ។ ៣. ដើម្បីចែករំលែកព័ត៌មាន/ធនធានពាក់ព័ន្ធដែលត្រូវបានបង្កើតឡើងក្រោមឆ្នាំទី២។ អ្នកចូលរួម៖ យើងមានកិត្តិយសដែលបានអញ្ជើញ អ្នកចូលរួមដែលជា៖ ដៃគូអនុវត្តជាយុទ្ធសាស្រ្ត ដែលជាជនបង្គោលទទួលបន្ទុកផ្នែកតាមដាន និងវាយតម្លៃ និងគ្រប់គ្រងគម្រោង ក្រុមការ ACCESS 2 ផ្នែកបរិយាបន្នពិការភាព និងស្តារលទ្ធភាពពលកម្ម អំពើហិង្សាទាក់ទងនឹងយេនឌ័រ ផ្នែកវិមជ្ឈការ និងផ្នែកតាមដាន និងវាយតម្លៃ ជនបង្គោលផ្នែកកម្មវិធី ACCESS 2 របស់ស្ថានទូតអូស្រ្តាលីប្រចាំនៅកម្ពុជា និងជនបង្គោលកម្មវិធីពាក់ព័ន្ធផ្សេងទៀត ចំនួនអ្នកចូលរួមដែលបានគ្រោងទុក៖ ប្រមាណ៣០ ទៅ៤០នាក់ យើងរំពឹងថានឹងទទួលបានធាតុចូលនៅក្នុងសេចក្តីព្រាងផែនការរួម និងមតិត្រឡប់យ៉ាងក្លៀវក្លាពីអ្នកចូលរួម
ថ្ងៃពុធ ទី២៨ ខែឧសភា ឆ្នាំ២០២៥ ទីតាំង៖ នៅខេត្តសៀមរាប (more…)
ថ្ងៃអង្គារ ទី១៣ ខែឧសភា ឆ្នាំ២០២៥ ទីតាំង៖ នៅខេត្តកំពង់ស្ពឺ ដឹកនាំកិច្ចប្រជុំដោយ៖ លេខាធិការដ្ឋាននៃគណៈកម្មការសម្របសម្រួលថ្នាក់ខេត្ត គាំទ្រកិច្ចប្រជុំដោយ៖ រដ្ឋាភិបាលអូស្រ្តាលី តាមរយៈកម្មវិធី ACCESS 2 (more…)
