ឱកាសស្នើសុំជំនួយហិរញ្ញវត្ថុ

កម្មវិធី ACCESS នឹងផ្សព្វផ្សាយការអំពាវនាវឱ្យដាក់សំណើបង្ហាញពីចំណាប់អារម្មណ៍លើគម្រោងស្នើសុំជំនួយហិរញ្ញវត្ថុដែលនឹងរួមចំណែកដល់ការសម្រេចបានលទ្ធផលកម្មវិធី។

យន្តការវិនិយោគដែលមានភាពប្រកួតប្រជែង (CIMP) នៃកម្មវិធី ACCESS នឹងផ្តល់ជំនួយហិរញ្ញវត្ថុដល់ភាគីពាក់ព័ន្ធដើម្បីចូលរួមចំណែកក្នុងការអនុវត្តផែនការយុទ្ធសាស្រ្តជាតិស្តីពីពិការភាព និងផែនការសកម្មភាពជាតិស្តីពីការទប់ស្កាត់អំពើហិង្សាលើស្រ្តី។ CIMP នឹងបំពេញបន្ថែមលើធនធានដែលមានស្រាប់របស់រាជរដ្ឋាភិបាលកម្ពុជា និងកំណត់អាទិភាពលើការគាំទ្រចំពោះសកម្មភាពការងារតាមរយៈដំណើរនៃការរៀបចំផែនការរួមគ្នាដែលដឹកនាំដោយក្រសួងសំខាន់ៗនៃរាជរដ្ឋាភិបាល។

អង្គភាព/ស្ថាប័នដែលមានលក្ខណៈសម្បត្តិអាចចូលរួមបានមាន៖ ទីភ្នាក់ងារ UNs អង្គការអន្តរជាតិ អង្គការមិនមែនរដ្ឋាភិបាល អង្គការតំណាងជនពិការ វិស័យឯកជន និងគ្រឹះស្ថានសិក្សាស្រាវជ្រាវ។

សម្រាប់ព័ត៌មានលម្អិតស្តីពីលក្ខណៈសម្បត្តិអាចចូលរួមបាន សូមទាញយកឯកសារភ្ជាប់មកនេះ ស្តីពីសេចក្តីណែនាំសម្រាប់ការអំពាវនាវឱ្យដាក់សំណើរបង្ហាញពីចំណាប់អារម្មណ៍។