គោលការណ៍កម្មវិធីACCESS 2

កម្មវិធីនឹងផ្តល់អាទិភាពដល់វិធីធ្វើការនានាដូចខាងក្រោម ដើម្បីគាំទ្រដល់ការសម្រេចលទ្ធផលកម្មវិធី​ប្រកប​ដោយ​ប្រសិទ្ធភាព៖

• ការកសាងការចូលរួមតាមវិស័យ និងភាពជាដៃគូ៖ សកម្មភាពនានានឹងត្រូវបានរៀបចំឡើងដើម្បីជំរុញ និងគាំទ្រដល់ការផ្សាភ្ជាប់ និងការសហការគ្នាក្នុងកម្រិតវិស័យ ដើម្បីពង្រឹង​ការសិក្សាពីគ្នាទៅវិញទៅមករវាងអង្គភាព​នៅក្នុងផ្នែកជំនាញ និងរួមចំណែកដល់លទ្ធផល រួមនៃដៃគូក្នុងវិស័យ។

• លើកកម្ពស់សំឡេងរបស់ជនរងគ្រោះដោយអំពើហិង្សាទាក់ទងនឹងយេនឌ័រ និងជនមានពិការភាព រួមទាំងជនជាតិដើមភាគតិច៖ ឱកាសនានា ដើម្បីជំរុញឱ្យមានការចូលរួមពីជនមានពិការភាព និងជនរងគ្រោះដោយអំពើហិង្សាទាក់ទងនឹងយេនឌ័រ  រួមទាំងជនជាតិដើមភាគតិច ក្នុងការរៀបចំការអនុវត្តន៍ និងការពិនិត្យតាមដានសកម្មភាព នឹងត្រូវបានចាត់ជាការងារអាទិភាព។ តម្រូវការ និងចំណូលចិត្តដែលបានបង្ហាញរបស់ជនរងគ្រោះដោយអំពើហិង្សាទាក់ទងនឹងយេនឌ័រ និងជនមានពិការភាព ព្រមទាំងលទ្ធផលកម្មវិធី ACCESS 2 សម្រាប់អ្នកទទួលផល​ទាំងនេះ នឹងក្លាយជាចំណុចស្នូលនៃការផ្តោតរបស់កម្មវិធី និងត្រួតពិនិត្យ និងវាយតម្លៃ។

• ភាពបត់បែន និងការកែតម្រូវ៖ កម្មវិធីនឹងរក្សាភាពបត់បែន ចំពោះបរិបទប្រតិបត្តិការដែលមានភាពស្មុគស្មាញ និងថាមវន្ត ព្រមទាំងតម្រូវការដើម្បីឆ្លើយតបយ៉ាងមានប្រសិទ្ធភាពក្នុងការសម្រេចបាននូវការផ្លាស់ប្តូរជាវិជ្ជមាន។