កិច្ចប្រជុំលើកទី៣ គណៈកម្មការសម្របសម្រួល ខេត្តសៀមរាប

កក្កដា 13, 2025

កិច្ចប្រជុំលើកទី៣ គណៈកម្មការសម្របសម្រួល ខេត្តសៀមរាប

ថ្ងៃទី១៣ ខែសីហា ឆ្នាំ២០២៥

ទីតាំង៖ សាលាខេត្តសៀមរាប

ដឹកនាំកិច្ចប្រជុំដោយ៖ ក្រុមការងារ ACCESS 2

ទិដ្ឋភាពរួមនៃកិច្ចប្រជុំ៖

ACCESS 2 មានក្តីសោមនស្សរីករាយ ក្នុងការរៀបចំកិច្ចប្រជុំលើកទី៣ របស់គណៈកម្មការសម្របសម្រួល(PCC) ជាមួយដៃគូអនុវត្តជាយុទ្ធសាស្រ្ត និងជនបង្គោលរបស់ ACCESS 2 នៅថ្នាក់ក្រោមជាតិ​ នៅខេត្តសៀមរាប។

គោលបំណង៖

• បទបង្ហាញសេចក្តីសង្ខេបស្តីពីសមិទ្ធផលសំខាន់ៗដែលដៃគូជាយុទ្ធសាស្ត្រនៃកម្មវិធី ACCESS 2បានទទួល​ រយៈពេល១ឆ្នាំកន្លងមក។
• បទបង្ហាញអំពីផែនការរួមនៃសកម្មភាពប្រចាំឆ្នាំ​ ខែកក្តដា២០២៥ ដល់ខែមិថុនា ឆ្នាំ២០២៦ ក្នុងខេត្តរតនគីរី
• អនុម័តផែនការរួមនៃសកម្មភាពប្រចាំឆ្នាំ​ ខែកក្តដា២០២៥ ដល់ ខែមិថុនា ឆ្នាំ២០២៦
• កំណត់ចំណុចសក្តានុពលនៃការសហការគ្នារវាងវិស័យពាក់ព័ន្ធនៅក្នុងត្រីមាសខាងមុខ
• ជំហានបន្ត

អ្នកចូលរួម៖ យើងមានកិត្តិយសដែលបានអញ្ជើញ អ្នកចូលរួមដែលជាតំណាងមកពី៖

• ជនបង្គោល ដែលជាមន្រ្តីរដ្ឋាភិបាលនៅថ្នាក់ក្រោមជាតិ
• ដៃគូអនុវត្តជាយុទ្ធសាស្រ្ត មានដូចជា៖ អង្គការចិត្តសង្គមអន្តរវប្បធម៌ (TPO) អង្គការជំនួយផ្នែកច្បាប់នៃកម្ពុជា (LAC) អង្គការ CARE មូលនិធិសហប្រជាជាតិសម្រាប់ប្រជាជន/ការិយាយល័យភ្នាក់ងារសហប្រជាជាតិលើកកម្ពស់សមភាពយេនឌ័រ និងផ្តល់ភាពអង់អាចដល់ស្រ្តី (UNFPA/UN Women) អង្គការកម្ពុជាដើម្បីជួយស្រ្តីមានវិបត្តិ (CWCC) អង្គការ UNICEF និង អង្គការជនពិការកម្ពុជា (CDPO)
• អង្គការតំណាងជនមានពិការភាព (OPDs)
• ក្រុមការងារស្ថានទូតអូស្រ្តាលីប្រចាំនៅកម្ពុជា និងក្រុមការងារកម្មវិធី ACCESS 2

ចំនួនអ្នកចូលរួមដែលបានគ្រោងទុក៖ ​​ប្រមាណ៣០នាក់

យើងរង់ចាំនូវការពិភាក្សាដ៏មានផ្លែផ្កា និងការរួមចំណែកដ៏មានអត្ថន័យពីអ្នកចូលរួម