Sep
12
2025
September 12, 2025
កិច្ចប្រជុំស្តីពីការគាំទ្រនិងផ្តល់យោបល់ដល់រដ្ឋបាលក្រុងស្រុក និងឃុំសង្កាត់ លើការធ្វើបញ្រ្ជាប GEDSI នៅក្នុងកម្មវិធីវិនិយោគ ក្រុងស្រុក និងឃុំសង្កាត់
ថ្ងៃទី៩ ខែកញ្ញា ឆ្នាំ២០២៥
ទីតាំង៖ សាលាខេត្តរតនគិរី
សម្របសម្រួលកិច្ចប្រជុំដោយ៖ សាលាខេត្តរតនគិរី និង ACCESS 2
ទិដ្ឋភាពរួមនៃកិច្ចប្រជុំ៖
ACCESS 2 មានក្តីសោមនស្សរីករាយ ក្នុងការរៀបចំកិច្ចប្រជុំគាំទ្រនិងផ្តល់យោបល់ដល់រដ្ឋបាលក្រុងស្រុក និងឃុំសង្កាត់ ដើម្បីបញ្ជ្រាបសមភាពយេនឌ័រ បរិយាបន្នពិការភាព និងសង្គម (GEDSI) ដើម្បីវាយតម្លៃពីវឌ្ឍនភាពដែលអនុវត្តដោយអជ្ញាធរថ្នាក់ក្រោមជាតិ និងផ្តល់ការគាំទ្រផ្សេងទៀតដល់ជនងាយរងគ្រោះ។
គោលបំណង៖
គោលបំណងចម្បងនៃសិក្ខាសាលានេះគឺដើម្បី៖
- វាយតម្លៃវឌ្ឍនភាព៖ វាយតម្លៃវឌ្ឍនភាពដែលធ្វើឡើងដោយអជ្ញាធរថ្នាក់ក្រោមជាតិក្នុងការដាក់បញ្ចូលគោលការណ៍GEDSI ទៅក្នុងកម្មវិធីវិនិយោគក្រុងស្រុកនិងឃុំសង្កាត់(DIPs/ CIPs) បន្ទាប់ពីសិក្ខាសាលា GEDSI ។
- ផ្តល់ការគាំទ្រដោយផ្ទាល់៖ ផ្តល់ការណែនាំ និងការបង្ហាត់បង្ហាញដោយផ្ទាល់ដល់អ្នកចូលរួមអំពីរបៀបអនុវត្តគោលការណ៍ GEDSI ជាពិសេសផ្តោតលើការបែងចែកថវិកាសេវាសង្គមដើម្បីគាំទ្រក្រុមងាយរងគ្រោះ។
- សម្របសម្រួលការរៀនសូត្រទៅវិញទៅមក៖ បង្កើតវេទិកាសម្រាប់អាជ្ញាធរថ្នាក់ក្រោមជាតិដើម្បីបង្ហាញ CIPs និង DIPs របស់ពួកគេ ចែករំលែកបទពិសោធន៍ និងពិភាក្សាអំពីបញ្ហាប្រឈម និងយុទ្ធសាស្រ្តជោគជ័យសម្រាប់ការបញ្ជ្រាប GEDSI ។
- ដោះស្រាយឧបសគ្គនៃការអនុវត្តន៍៖ កំណត់ និងសហការដោះស្រាយបញ្ហាប្រឈម និងឧបសគ្គទូទៅក្នុងការបញ្ជ្រាប GEDSI ទៅក្នុងដំណើរការរៀបចំផែនការ និងថវិកាថ្នាក់ក្រោមជាតិ។
អ្នកចូលរួម៖ យើងមានកិត្តិយសដែលបានអញ្ជើញ អ្នកចូលរួមដែលជា៖
- តំណាងរដ្ឋបាលខេត្ត
- តំណាងមន្ទីរកិច្ចការនារីខេត្ត
- តំណាងមន្ទីរសង្គមកិច្ច អតីតយុទ្ធជន និងយុវនីតិសម្បទា
- តំណាងមន្ទីរសុខាភិបាលខេត្ត
- តំណាងមន្ទីរផែនការខេត្ត
- អភិបាលរងស្រុក/ក្រុង នៃស្រុកគោលដៅរបស់របស់កម្មវិធី ACCESS 2
- ក្រុមប្រឹក្សាឃុំ
- អង្គការដៃគូនិងអង្គការតំណាងOPD/WF
- និងមន្ត្រីកម្មវិធី ACCESS 2
ចំនួនអ្នកចូលរួមដែលបានគ្រោងទុក៖ ប្រមាណ៤០នាក់
យើងរំពឹងថានឹងមានការផ្លាស់ប្តូរនូវមតិយោបល់ និងមតិត្រឡប់យ៉ាងក្លៀវក្លាពីអ្នកចូលរួម៕